ဇန်နဝါရီလ ၂၉ ရက်
ကချင်ပြည်နယ်၊ မြစ်ကြီးနားမြို့ မြေမြင့်ရပ်ကွက်နှင့် မြို့သစ်ကြီးရပ်ကွက် လမ်းဆုံ၊ Asia Energy ဆီဆိုင်ရှေ့ရှိ MPT ဆက်သွယ်ရေးစက် ယနေ့ ဇန်နဝါရီလ ၂၉ ရက် နံနက် ၃ နာရီ မိနစ် ၂၀ ခန့်တွင် မိုင်းခွဲဖျက်ဆီး ခံခဲ့ရသည်။
ယင်းဆက်သွယ်ရေးစက် မိုင်းခွဲခံရသည့် အပိုင်းအစများ အနီးရှိ နေအိမ် အချို့နှင့် Asia energy ဆီဆိုင် များသို့ လွင့်စင်ကာ ထိခိုက်ပျက်စီးမှု အချို့ ရှိခဲ့ကြောင်း အနီးတွင် နေထိုင်သူများက ပြောသည်။
ပေါက်ကွဲမှုအသံ အလွန်ကျယ်လောင်၍ အနီးရှိ ဒေသခံများ ထိတ်လန့်ခဲ့ကြောင်း ဆိုသည်။
ဇန်နဝါရီ ၂ ၇ရက် ည ၈ နာရီခန့်ကလည်း မြစ်ကြီးနားမြို့ အင်ဂျန်ဒုံ တပ်ကုန်းရပ်ကွက် အနီးတွင် ဗုံးကွဲသံ၊ သေနတ်ပစ်သံများ အဆက်မပြတ် ကြားခဲ့ရသေးသည်။