ဒီဇင်ဘာလ ၁၇ ရက်
ရန်ကုန် မြောက်ဥက္ကလာပမြို့နယ် ရပ်ကွက်အတွင်းမှာရှိသည့် စာသင်ကျောင်းနှင့်ဓမ္မာရုံအချို့အတွင်းစစ်ကောင်စီတပ်များက ဝင်ရောက်နေရာယူတပ်စွဲထားမှုများ ပြုလုပ်လာခဲ့သည်ဟု ဒေသခံများကပြောသည်။
ယမန်နေ့နံနက်အစောပိုင်းက (ဌ) ရပ်ကွက်၊ ခွာညိုလမ်းမထိပ်ရှိ ဓမ္မဝိသုဒ္ဓိဓမ္မာရုံတွင် အပေါ်ထပ်တွင်၁၀ဦးခန့်ဝင်ရောက်ပြီးစခန်းချထားကြောင်း သိရှိရသည်။
" သူတို့တွေရောက်လာပြီးဓမ္မာရုံရဲ့တတိယထပ်မှာစခန်းချကြတယ်။ စစ်သား ၁၀ယောက်ဝန်းကျင်ခန့် ရှိမယ်၊အထုတ်အပိုးတွေနဲ့ စစ်ကားတစ်စီးကလာချသွားတာတွေ့ရတယ်။ ကြာမယ့်သဘောရှိတယ်။" ဟု ဒေသခံတစ်ဦးကပြောသည်။
ယခုရက်ပိုင်းအတွင်း မြောက်ဥက္ကလာမြို့နယ်အတွင်းရှိရပ်ကွက်များအတွင်းစစ်ကောင်စီတပ်များမှဧည့်စာရင်းစစ်ဆေးခြင်း၊လူငယ်များကိုဝင်ရောက်ဖမ်းဆီးခြင်းများညစဉ်ရက်ဆက်ပြုလုပ်နေကြောင်းလည်းသိရသည်။