အိန္ဒိယနိုင်ငံတွင် ကိုဗစ်-၁၉ ကာကွယ်ဆေး ထိုးပြီးသူ အရေအတွက်သည် နိုဝင်ဘာလကုန်တွင် ၁၂၃ ကုဋေကျော်သွားပြီ ဖြစ်ကြောင်း ပြည်ထောင်စု ကျန်းမာရေးဝန်ကြီးဌာနက ထုတ်ပြန်လိုက်သည်။
နိုင်ငံအနှံ့ကာကွယ်ဆေးထိုးအစီအစဉ်ကို ယခုနှစ် ဇန်နဝါရီ ၁၆ ရက်က စတင်ခဲ့ပြီး ကျန်းမာရေးဝန်ထမ်းများအား ပထမအဆင့် စတင်ထိုးနှံပေးခဲ့ပြီး ကူညီကယ်ဆယ်ရေး လုပ်ဆောင်နေသူများကို ဖေဖော်ဝါရီ ၂ ရက်က စတင်ထိုးပေးခဲ့သည်။
ကိုဗစ်-၁၉ ကာကွယ်ဆေး ထိုးနှံသည့် နောက်တစ်ဆင့်ကို မတ်လ ၁ ရက်တွင် အသက် ၆၀ အရွယ်နှင့်အထက် များကိုလည်းကောင်း၊ နာတာရှည်ရောဂ တစ်ခုခုရှိနေသူ အသက် ၄၅ နှစ်နှင့်အထက်များကိုလည်း ထိုးပေးခဲ့သည်။
အသက် ၄၅ နှစ်နှင့် အထက်ပြည်သူများအားလုံးကို ဧပြီ ၁ ရက်တွင် စတင်ထိုးပေးခဲ့သည်။ အသက် ၁၈ နှစ် ပြည့်ပြီးသူတိုင်းကို ကာကွယ်ဆေးထိုးသည့် အစီအစဉ်အား မေ ၁ ရက်တွင် တိုးချဲ့ လုပ်ကိုင်ခဲ့သည်။
