နိုင်ငံ၏ စီးပွားရေး တိုးတက်မှု နှေးကွေးနေချိန်အတွင်း ဈေးကွက်စည်းမျဉ်းမူဝါဒ၏ တစ်စိတ်တစ်ပိုင်းအဖြစ် နည်းပညာကုမ္ပဏီများကို တရုတ်အစိုးရက ဖိနှိပ်လျက်ရှိသည်။
တရုတ်စည်းမျဉ်းထိန်းချုပ်ရေးအဖွဲ့ဖြစ်သော ဈေးကွက်စည်းမျဉ်းထိန်းချုပ်ရေးဆိုင်ရာ နိုင်ငံတော် စီမံခန့်ခွဲမှုအဖွဲ့ (SAMR) သည် လက်ဝါးကြီးအုပ်မှုဆန့်ကျင်ရေးဥပဒေများကို ချိုးဖောက်သည့်အတွက် နည်းပညာကုမ္ပဏီများအား ဒဏ်ရိုက်ခဲ့သည်ဟု CNN သတင်းတွင် ဖော်ပြခဲ့သည်။
အချို့သောပြစ်မှုများကို ၂၀၁၂ ခုနှစ်အထိ ခြေရာခံပြီး သီးခြားချိုးဖောက်မှု ၄၃ မှုရှိကြောင်း SAMR သတင်းရင်းမြစ်များက ဖော်ပြခဲ့သည်။ အမှုတစ်ခုချင်းစီအတွက် ဒဏ်ငွေမှာ ယွမ် ၅၀ဝ,ဝဝဝ (အမေရိကန်ဒေါ်လာ ၇၈,ဝဝဝ) ဖြစ်သည်။
"ယခုအကြိမ်ကြေညာထားသောအမှုများသည် ကြေညာသင့်သော်လည်း ယခင်က မကြေညာခဲ့သည့် ငွေကြေးလွှဲပြောင်းမှုများဖြစ်သည်" ဟု SAMR မှ ပြောကြားခဲ့သည်။
တားမြစ်ချက်များတွင် ဂိမ်းနှင့် ဆိုရှယ်မီဒီယာကုမ္ပဏီကြီး Tencent၊ ၊ တရုတ်၏ အွန်လိုင်းရောင်းဝယ်ရေး ကုမ္ပဏီကြီး Alibabaကဲ့သို့သော နည်းပညာကုမ္ပဏီကြီးများ၏ စုပေါင်းဈေးကွက်အရင်းအနှီးများ ပါဝင်သည်။
ယင်းဖိနှိပ်မှုတွင် နည်းပညာကုမ္ပဏီကြီး Alibaba (BABA)အား ပေးဆောင်ရန် အမိန့်ချမှတ်ခဲ့သည့် ယွမ် ၁၈ ဒသမ ၂ ဘီလီယံ (အမေရိကန်ဒေါ်လာ ၂ ဒသမ ၈ ဘီလီယံ) စံချိန်တင် ဒဏ်ကြေးများ ပါဝင်ကြောင်း အလေးထားဖော်ပြခဲ့သည်ဟု CNN သတင်းတွင် ဖော်ပြထားသည်။
၂၀ဝ၈ ခုနှစ်မှ စတင်အသက်ဝင်ခဲ့သော စည်းမျဉ်းများကို ဆန့်ကျင်သဖြင့် အချို့သောပြစ်မှုများကို ၂၀၁၂ ခုနှစ်အထိ ခြေရာခံပြီး Alibaba၊ Baiduနှင့် JD.com အပါအဝင် ကုမ္ပဏီများသည် အာဏာပိုင်များထံ အဆိုပါ သဘောတူညီချက် ၄၃ ခုကို ကြေညာရန် ပျက်ကွက်သည့်အတွက် ဒဏ်ရိုက်ခံရခြင်းဖြစ်ကြောင်း SAMR က ကြေညာခဲ့သည်။
အမှုတစ်ခုချင်းစီအတွက် ဒဏ်ငွေ ယွမ် ၅၀ဝ,ဝဝဝ (အမေရိကန်ဒေါ်လာ ၇၈,ဝဝဝ) ပေးဆောင် ရမည်ဖြစ်ပြီး ယင်းသည် တရုတ်၏ ၂၀ဝ၈ခုနှစ် လက်ဝါးကြီးအုပ်မှု တိုက်ဖျက်ရေးဥပဒေအောက်တွင် အများဆုံးဖြစ်သည်ဟု SAMR က ဆိုသည်။
