နိုဝင်ဘာ ၁၂
စစ်ကောင်စီတပ်နှင့် ဖြစ်ပွားခဲ့သော ဒီးမော့ဆို တိုက်ပွဲတွင် ကျဆုံးခဲ့သည့် ကရင်နီအမျိုးသား ကာကွယ်ရေးတပ် (KNDF) ရဲဘော်တစ်ဦးကို ယနေ့ နိုဝင်ဘာ ၁၂ ရက်တွင် မြေမြုပ်သင်္ဂြုလ်ခဲ့ပြီး အာဇာနည် သူရဲကောင်းအနေဖြင့် အသိအမှတ် ပြုသွားမည်ဟု KNDF က ထုတ်ပြန်သည်။
အဆိုပါ ရဲဘော်သည် ဒီးမော့ဆိုမြို့နယ် ထူလွှီးဘီလာနှင့် ပဒုံငံ ကျေးရွာအနီး၌ ယမန့်နေ့ နိုဝင်ဘာ ၁၁ ရက်က ဖြစ်ပွားခဲ့သော တိုက်ပွဲတွင် ကျဆုံးခဲ့ခြင်း ဖြစ်သည်။
ထိုတိုက်ပွဲသည် လေးနာရီဝန်းကျင်ကြာ ဖြစ်ပွားခဲ့ပြီး စစ်ကောင်စီတပ်ဘက်မှလည်း ၂၀ ဦး သေဆုံးခဲ့သည်ဟု ဆိုသည်။
