“ဒီနေ့သီတင်းကျွတ်လပြည့်နေ့မှာတော့အသွားအလာတွေအတော်ပြတ်နေတယ် ခုကာကလကတော့ ဘယ်ပဲသွားသွားပေါ့ဗျာ သတိထားပြီးသွားနေရတာ၊ ဘယ်နေရာမှာ ဘာထဖြစ်မလဲဆိုတာမသိဘူးလေ၊ စားဝတ်နေရေးနဲ့ပါတ်သတ်ရင်တော့ သာမန်လူတန်းစားတွေအတွက်တော့ ဈေးတွေလည်း အဆမတန်တက်တော့ ခက်ခဲတာတော့အမှန်ပါပဲ”
စစ်ကိုင်းတိုင်းနှင့် ချင်းပြည်နယ် နယ်စပ်ဒေသကလေးမြို့တွင် စစ်ကောင်စီတပ်မှ စစ်အင်အားဖြည့်တင်းကာ ဒေသခံကာကွယ်ရေးတပ်များနှင့် စစ်ရေးတင်းမာလျှက်ရှိသည်။ ထိုဒေသမှ ဒေသခံပြည်သူများ၏ စားဝတ်နေရေးနှင့် ဒေသတွင်းအခြေအနေအား ကလေးမြို့ဒေသခံတစ်ဦးအား ဆက်သွယ်မေးမြန်းထားသည်။
