“ကျွန်တော်တို့က စစ်အာဏာရှင်ကို လက်နက်ကိုင်တော်လှန်တာကတစ်ပိုင်း ပြီးတော့ ပြည်သူတွေကိုစောင့်ရှောက်ဖို့လည်း ကျွန်တော်တို့မှာတာဝန်ရှိတယ်။ ဒါကြောင့် တပ်မတော်သား CDM လုပ်လာသူတွေရယ်၊ သူနာပြုတွေရယ်နဲ့ ဖွဲ့စည်းပြီး ခုလိုမျိုးဒေသခံတွေကို ဆေးကုသမှုပြုလုပ်ပေးနေတာပါ” 

စစ်ကိုင်းတိုင်းတောင်ပိုင်း ကလေးမြို့နယ်အတွင်းရှိ စစ်အာဏာရှင်အား လက်နက်စွဲကိုင်တော်လှန်‌နေသည့် Ranger Kalay Defend Force (RKDF)မှ ဆေးအဖွဲ့များ၏ လှုပ်ရှားမှု၊ ကလေးနယ်တွင် စစ်ကောင်စီတပ်သားများ၏ စစ်ရေးလှုပ်ရှားလာမှုနှင့် အင်အားတိုးလာသည့် ပြည်သူ့ကာကွယ်ရေးတပ်သားများ၏ အခြေအနေများနှင့်ပတ်သက်၍ ခေါင်းဆောင်ဖြစ်သူအား ဆက်သွယ်မေးမြန်းထားသည်။