ရှမ်းပြည်နယ်မြောက်ပိုင်း လားရိူးမြို့ နားကွမ်းလုံကျေးရွာအုပ်စု နားဟွယ် ကျေးရွာတွင် ယမန်နေ့က လူငယ် ခုနှစ်ဦးကို ပြည်သူ့ကာကွယ်ရေး တပ်ဖွဲ့ ဝင်များဟုဆိုကာ စစ်ကောင်စီတပ်က ဖမ်းဆီးသွားကြောင်း ဒေသခံများ အပြောအရ သိရသည်။

"ကားသုံးစီးနဲ့လာတယ်၊စစ်သားတွေရော၊စရဖတွေကောအင်အားတော်တော်များတယ်၊ ကျွန်မတို့ဒေသခံတွေက နှစ်ယာက်ပါတယ်၊ ကျန်တဲ့သူတွေက တခြားက PDF ဆိုပြီးလာဖမ်းသွား တာ"ဟု မျက်မြင်တွေ့ခဲ့ရသူကပြောသည်။ 

၎င်းအဖမ်းဆီးခံရသည့်အိမ်ကို စစ်ကောင်စီတပ်သားများကမွေနှောက်ရှာဖွေကာ ရွှေငွေ၊ ပစ္စည်းများလည်း ယူသွားသည်ဟု အဆိုပါဒေသခံကပြောသည်။

"ရွေတွေကော၊ ငွေသားကသိန်း ၅၀ပါသွားတယ်လို့ကြားတယ်၊ သူတို့မွှေနှောက်ပြီး ယူသွားကျတာပေါ့၊" ဟု သူက ဆက်ပြောသည်။
နားကွမ်းလုံကျေးရွာအုပ်စု အတွင်းစစ်ကောင်စီတပ်သားများ ဝင်ထွက် သွားလာမှူများရှိနေပြီး ဒေသခံများကြောက်ရွံ့လျက်ရှိကြောင်း သိရသည်။