ကမ္ဘာတလွှား ကိုဗစ်ကာကွယ်ဆေးထိုးဖို့ဆန့်ကျင်နေသူတွေ ကာကွယ်ဆေးထိုးလာအောင် အတော် လေး တိုက်တွန်းနေရချိန် မလေးရှားမှာတော့ ယုံကြည်မှုထုံးတမ်းစဉ်လာအရ ကျင်းပလေ့ရှိတဲ့ တစ္ဆေ ကြီးပွဲတော်ရာသီမှာ စက္ကူနဲ့လုပ်ထားတဲ့ ကိုဗစ်ကာကွယ်ဆေးထိုးပစ္စည်းအစုံလိုက်ထည့်ထားတဲ့ ဗူးတွေ လက်မလည်အောင် ရောင်းနေရပါတယ်။ ကာကွယ်ဆေးမပေါ်ခင် ကိုဗစ်ရောဂါနဲ့သေဆုံးသူတွေရဲ့  နောက်ဆုံးဆန္ဒဟာ ကာကွယ်ဆေးထိုးရဖို့ပဲဖြစ်မယ်လို့ ယူဆတာကြောင်း လက်မှုပညာသည် အရောင်းဆိုင်ရှင်က ပြောပါတယ်။ ဒီအကြောင်း ရိုက်တာသတင်းတပုဒ်ကို မခွာညိုက တင်ဆက်ထားပါတယ်။