အမေရိကန်ပြည်ထောင်စုက ဗီယက်နမ်ကို ကိုဗစ်ကာကွယ်ဆေး ၁ သန်းပေးလှုမယ်လို့ အာရှနှစ်နိုင်ငံ ခရီးစဉ်နဲ့ ဗီယက်နမ်ကိုရောက်နေတဲ့ အမေရိကန်ဒုသမ္မတ Kamala Harris က ဒီကနေ့ ကြေညာပါတယ်။
ကိုဗစ်ကူးစက်မှုတွေတိုးလာတဲ့ ဗီယက်နမ်မှာ လူဦးရေ ၂ ရာခိုင်နှုန်းလောက်ပဲ ကာကွယ်ဆေးထိုးရသေးတာပါ။ ဒီဆေးတွေ နောက်ထပ် ၂၄ နာရီအတွင်း စပြီးရောက်လာဖို့ရှိတယ်လို့လည်း ဒုသမ္မတ Harris က ဗီယက်နမ် ဝန်ကြီးချုပ် Pham Minh Chinh နဲ့ တွေ့ဆုံဆွေးနွေးအပြီး ပြောပါတယ်။