ဇူလိုင် ၁၅
ရန်ကုန်တိုင်းဒေသကြီး၊တောင်ဒဂုံမြို့နယ် ၅၃ ရပ်ကွက် သုခမြိုင်လမ်း တွင် နေထိုင်သော အမျိုးသားရေးတက်ကြွလှုပ်ရှားသူ ဝံသပါလ ဥက္ကဋ္ဌ ဖြစ်သူ ဦးတင့်ထွန်း သေနတ်ဖြင့်အပစ်ခံရ၍ ဇူလိုင်လ ၁၄ ရက်ညနေပိုင်းက သေဆုံးသွားကြောင်း ဒေသခံ မျက်မြင်တွေ့ရှိသူတစ်ဦးက မဇ္ဈိမကိုပြောသည်။
" ဒီနေ့ ညနေ ၅နာရီ၀န်းကျင်လောက်ကသူရဲ့အိမ်အပြင်ဘက်မှာပဲ ရင်ဘတ်ကို ၃ ချက်ပစ်ခံရတာ။ သူကမဘသက ဒလန်။ ပျူစောထီးမှာလဲပါတယ်။ အရေးပေါ်ကားနဲ့လာသယ်သွားတယ်"ဟု ၎င်းကပြောသည်။
၎င်းအား အမည်မသိအဖွဲ့မှသေနတ်ဖြင့်လာရောက်ပစ်ခတ်သွားပြီး စစ်ကောင်စီတပ်ဖွဲ့၀င်များအား သတင်းပေးနေသူတစ်ဦးဖြစ်ကြောင်း ဒေသခံများက ပြောဆိုနေကြသည်။