ဇူလိုင် ၃
စစ်ကိုင်းတိုင်းဒေသကြီး ထီးချိုင့်မြို့နယ် ဂွေးပင်တောင်လမ်းပိုင်း တိုက်ပွဲတွင်အကြမ်းဖက်စစ်ကောင်စီတပ်ဖွဲ့၀င် ၂၀ ဦးထက်မနည်းကျဆုံး၍ ထိခိုက်ဒဏ်ရာရသူ အများအပြားရှိကြောင်း ထီးချိုင့်မြို့နယ် ပြည်သူ့ကာကွယ်ရေးတပ်ဖွဲ့မှ ဒီကနေ့ ဇူလိုင်လ ၃ ရက်တွင် ထုတ်ပြန်ကြေညာသည်။
ဇူလိုင်လ ၂ ရက် ည ၁၁ နာရီ ခွဲအချိန်တွင် ထီးချိုင့်မြို့နယ် ဂွေးပင်တောင်လမ်းပိုင်းတွင် စစ်ကောင်စီတပ်တွေ စီးနင်းလာတဲ့ ကား နှစ် စီးအား KIA မဟာမိတ်တပ်များနှင့်အတူ ထီးချိုင့်မြို့နယ်ပြည်သူ့ကာကွယ်ရေးတပ်ဖွဲ့(HPDF)မှ ဝင်ရောက်တိုက်ခိုက်ခဲ့ဖြစ်သည်။
KIA မဟာမိတ်တပ်များနှင့်ထီးချိုင့်မြို့နယ်ပြည်သူ့ကာကွယ်ရေးတပ်ဖွဲ့နှစ်ဖွဲ့လုံးဘက်မှ အထိအခိုက် အကျအဆုံး မရှိကြောင်းထုတ်ပြန်ချက်တွင်ဖော်ပြထားသည်။
ဇွန်လ ၂၆ ရက်က ထီးချိုင့်မြို့နယ်တိုက်ပွဲတွင်လည်း စစ်ကောင်စီတပ်ဖွဲ့ဝင် ၁၄ ဦးထက်မနည်း သေဆုံးခဲ့သည်။