ဒီကနေ့မှာတော့ အမေရိကန်သမ္မတသစ် ဂျိုးဘိုင်ဒန်ရဲ့ကျမ်းသစ္စာကျိန်ဆိုပွဲ ကျရောက်ပါပြီ။ အမေရိကန်စံတော်ချိန် မွန်းတည့် ၁၂ နာရီ၊မြန်မာစံတော်ချိန် ည သန်းခေါင်ယံအချိန်လောက်မှာ အခမ်းအနား စကျင်းပတာပါ။ America United စည်းလုံးညီညွတ်တဲ့ အမေရိကန်ဆိုတဲ့ ဆောင်ပုဒ်ကို သမ္မတသစ်ဂျိုးဘိုင်ဒန်က လက်ကိုင်ထားတာဖြစ်ပါတယ်။ နိုင်ငံရေးသဘောထားကွဲပြားမှုတွေကို ဖြေဖျောက်ဖို့ ရည်ရွယ်တာပါ။ တချိန်တည်းမှာပဲ အမေရိကန်ပြည်ထောင်စုအတွက် အရေးအကြီးဆုံးနေ့တခုဖြစ်တဲ့ ဒီနေ့အခမ်းအနား ဘေးကင်းကင်းနဲ့ အောင်အောင်မြင်မြင် ပြီးဆုံးနိုင်ဖို့ လုံခြုံရေးတွေ တင်းကြပ်ထားရတာပါ။ VOA သတင်းထောက် Mike O’Sullivan ပေးပို့ထားတဲ့သတင်းကို နန်းလောင်ဝ်က တင်ဆက်ထားပါတယ်။