နိုဝင်ဘာ ၁၈
ပုံစံ၁၉လက်မှတ်မရေးထိုးခဲ့တဲ့ အမတ်လောင်းတွေ နောက်တစ်ကြိမ် အမတ်နေရာဝင်ရောက်ယှဉ်ပြိုင်ခွင့်မပြု ဘူးဆိုတဲ့ သတင်းအမှားတစ်ပုဒ်ကိုပြောပြပေးချင်ပါတယ်။
ဒီသတင်းကို ဘန်ကီလတ် ဆိုတဲ့ အကောင့်က နိုဝင်ဘာ ၁၄ရက်နေ့မှာ စတင်ဖြန့်ဝေခဲ့ပါတယ်။ Likeလုပ်သူ တစ်ထောင်ကျော်၊ ပြန်လည်မျှဝေသူ သုံးရာ နီးပါးရှိခဲ့ပါတယ်။
ဒီသတင်းအမှားဟာ We Love Daw Aung San Suu Kyi ဂရုမှာ Like လုပ်သူ ၄ထောင်၊ ပြန်လည်မျှဝေသူ ၅ထောင်ကျော်နဲ့ နေ့စဉ် သတင်ထူးများဂရုမှာလည်း Likeလုပ်သူ ၁ထောင်ကျော် ပြန်လည်မျှဝေသူ ၂ရာကျော်ထိ ထပ်မံပျံ့နှံ့ခဲ့ပါတယ်။
အကြောင်းအရာကတော့ ပြည်ထောင်စုလွှတ်တော် ၃၉၆နေရာဖြင့် NLDအနိုင်ရကြောင်း UECထုတ်ပြန်။ အနိုင်ရပါတီမှ အစိုးရဖွဲ့ခွင့်ရှိပြီ။ ပုံစံ (၁၉) လက်မှတ်မထိုး အမတ်လောင်းများ နောက်တစ်ကြိမ် အမတ်နေရာ ဝင်ပြိုင်ခွင့်မရတော့ ဆိုပြီးပါရှိပါတယ်။
အချက်အလက် စစ်ဆေးကြည့်တဲ့အခါ မှားနေတာကို တွေ့ရပါတယ်။ ဘာကြောင့် မှားနေသလဲဆိုတာကို ဆုမြတ်မေဇော်က တင်ဆက်ပေးပါမယ်။
