ဗြိတိန်နိုင်ငံမှာ ဆေးရုံတွေကနေ COVID -19 ဓာတ်ခွဲနမူနာတွေကို အဝေးထိန်းဒရုန်းယာဉ်တွေသုံးပြီး ဓာတ်ခွဲခန်းတွေဆီပို့နိုင်မယ့် နည်းလမ်းကို အမျိုးသားကျန်းမာရေးစောင့်ရှောက်မှုအစီအစဉ် NHS က တွေ့ထားပါပြီ။ ဒရုန်းယာဉ်လမ်းကြောင်းမှာ ယာဉ်အသွားအလာရှုပ်တာမျိုးလည်းမရှိတဲ့အတွက်  မြန်ဆန်ပြီး လိုရာခရီး တိုက်ရိုက်ရောက်နိုင်သလို လူအချင်းချင်း ထိတွေ့ရတာမျိုးလည်းနည်းပါတယ်။ ဒီနည်းလမ်းနဲ့ဆိုရင် ဓာတ်ခွဲနမူနာတွေ ဓာတ်ခွဲခန်းကို ပိုပြီးအမြန်ရောက်နိုင်သလို လူနာကျန်းမာရေး အတွက်လည်း အထောက်အကူဖြစ်စေမှာပါ။ AP ဆောင်းပါးကိုအခြေခံပြီး နန်းလောင်ဝ်က တင်ပြထား ပါတယ်။