နိုဝင်ဘာ ၉ ၊ ၂၀၂၀
ကနဦးသတင်းများအရ အာဏာရပါတီ အမျိုးသားဒီမိုကရေစီအဖွဲ့ချုပ်အနေဖြင့် နောက်ငါးနှစ် ဆက်လက်အုပ်ချုပ်နိုင်ရန် အစိုးရဖွဲ့နိုင်သည့်အထိ မဲရလာဒ်အခြေအနေကောင်းနေကြောင်း ပါတီပြန်ကြားရေးအဖွဲ့အတွင်းရေးမှူး မုံရွာဦးအောင်ရှင်က ပြောသည်။
မဲအနိုင်ရရှိမှု အနည်းဆုံး ၆၀ ရာခိုင်နှုန်းရှိလိမ့်မည်ဟု မုံရွာအောင်ရှင်က ခန့်မှန်းလိုက်ပြီး “ တိုင်းဒေသကြီးတော်တော်များများမှာ အခြေအနေကောင်းပါတယ်။ ပြည်နယ်အချို့မှာတော့ တော်တော်လေးရုန်းကန်ရပါတယ်။ ရခိုင်တို့ ကယားတို့မှာ ရုန်းကန်နေရပါတယ်။" ဟု ဆိုသည်။