လာမယ့် ၂၀၂၀ ပြည့်နှစ် အထွေထွေရွေးကောက်ပွဲမှာ ကိုယ်စားလောင်းအဖြစ် ရွေးချယ်ခံရရင် မဲဆန္ဒနယ်အတွင်းက ဖွံ့ဖြိုးရေးနည်းတဲ့ ဒေသတစ်ခုချင်းစီအလိုက် ဦးစားပေး လုပ်ဆောင်သွားမယ်လို့ ခင်ဦးမြို့နယ် တိုင်းဒေသကြီး အမှတ် (၂) နေရာက ဝင်ရောက်ယှဉ်ပြိုင်မယ့် ဒုရဲမှူးဟောင်း ဦးမိုးရန်နိုင်က ပြောပါတယ်။
ဒုရဲမှူးဟောင်း မိုးရန်နိုင်ဟာ ရိုက်တာသတင်းထောက်နှစ်ဦးကို ရဲကထောင်ချောက်ဆင် ဖမ်းဆီးခဲ့တာ ဖြစ်တယ်လို့ ထွက်ဆိုခဲ့တဲ့အတွက် ရဲစည်းမျှဉ်းစည်းကမ်း ဥပဒေနဲ့ ထိန်းသိမ်းအရေးယူခံခဲ့ရသူ ဖြစ်ပါတယ်။ ရွေးကောက်ပွဲအတွက် လှုပ်ရှားနေတာနဲ့ ပတ်သက်ပြီး ဒုရဲမှူးဟောင်း မိုးရန်နိုင်ကို သတင်းထောက်နောင်နောင်က ဆက်သွယ်မေးမြန်းထားပါတယ်။
