ကမ္ဘာမှာ ဒီနှစ်အစောပိုင်းကတည်းက ကျယ်ကျယ်ပြန့်ပြန့်ကူးစက်ပျံ့ပွားတဲ့ ကိုဗစ်ကပ်ဘေးက အခု ၉ လ ရှိလာတာတောင် မထိန်းချုပ်နိုင်သေးတာကြောင့် နည်းပညာ ကုမ္ပဏီတွေကလည်း သူတို့တတ်နိုင်တဲ့ အပိုင်းကနေ ရောဂါထိန်းချုပ်နိုင်ရေး ဝိုင်းဝန်းလုပ်ဆောင်နေကြပါတယ်။ ဗြိတိန်နိုင်ငံမှာတော့ ကားပစ္စည်းထုတ်စက်ရုံတရုံက သူတို့ဝန်ထမ်းတွေ ဘေးကင်းတဲ့ အကွာအဝေးခြားပြီး နေနိုင်ဖို့ စက်လေးတခု တီထွင်ထားပါတယ်။ BUMP လို့ နာမည်ပေးထားတဲ့ ဒီစက်က အဆင်ပြေလို့ တခြားကုမ္ပဏီတွေလည်း ဒါလေးကို အသုံးပြုဖို့ လုပ်ဆောင်နေပါတယ်။ AP သတင်းကို နန်လဖိုင်တင်ပြပေးပါမယ်။