စက်တင်ဘာ ၁၄၊ ၂၀၂၀

ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးရုံး (OHCHR) က မြန်မာနိုင်ငံ လူ့အခွင့်အရေးဆိုင်ရာ အစီရင်ခံစာကို လူ့အခွင့်အရေး ကောင်စီထံ တင်သွင်းမည် ဖြစ်သည်။

စက်တင်ဘာလ ၁၄ ရက်နေ့ ရန်ကုန်စံတော်ချိန် ညနေ ၄ နာရီခန့်တွင် လူ့အခွင့်အရေးဆိုင်ရာ မဟာမင်းကြီး မစ်ရှဲလ် ဘာရှလေက လူ့အခွင့်အရေးကောင်စီသို့ တင်သွင်းမည်ဖြစ်ပြီး မြန်မာနိုင်ငံတွင် ရိုဟင်ဂျာ (မူရင်းနှင့်) အခြား တိုင်းရင်းသား လူနည်းစုများ၏ လူ့အခွင့်အရေး အခြေအနေဆိုင်ရာ ဆုံးဖြတ်ချက် ၄၂/၃ အရ အဖွဲ့ဝင် ၄၇ နိုင်ငံပါ လူ့အခွင့်အရေးကောင်စီ၏ တောင်းဆိုမှုကြောင့် တင်သွင်းခြင်း ဖြစ်သည်။

အစီရင်ခံစာ တင်သွင်းပြီးနောက် မဟာမင်းကြီး ဘာရှလေ၊ ကုလသမဂ္ဂဆိုင်ရာ မြန်မာအမြဲတမ်း ကိုယ်စားလှယ် ဦးကျော်မိုးထွန်း၊ ရှေ့ပြေးအသံ (Progressive Voice) အဖွဲ့၏ အကြံပေးဘုတ်အဖွဲ့ ဥက္ကဋ္ဌနှင့် အရပ်ဖက် အဖွဲ့ အစည်းများ၏ ကိုယ်စားလှယ် ဒေါ်ခင်ဥမ္မာတို့၏ အပြန်အလှန် ဆွေးနွေးပွဲလည်း ပါဝင်သည်။   

ထို့အပြင် စက်တင်ဘာလ ၁၄ ရက် ညနေပိုင်းတွင် မြန်မာနိုင်ငံဆိုင်ရာ လွတ်လပ်သော စုံစမ်းစစ်ဆေးမှု ယန္တရား (IIMM) အဖွဲ့ခေါင်းဆောင် နီကိုလပ် ကုမ်ဂျီအမ်ကလည်း IIMM ၏ ဆောင်ရွက်နေမှု နောက်ဆုံး အခြေအနေများ အကြောင်း အစီရင်ခံစာတစ်စောင်ကို သီးခြား တင်သွင်းသည်။ အစီရင်ခံစာတင်သွင်းပြီးနောက် သက်ဆိုင်ရာ နိုင်ငံများအလိုက် ထုတ်ပြန်ချက်များ ထုတ်ပြန်ရန်နှင့် ကိုယ်စားလှယ်များနှင့် NGO အဖွဲ့များ၏ ဆွေးနွေးမှုလည်း ပါဝင်မည် ဖြစ်သည်။