ရခိုင်တိုင်းရင်းသားများ၏ လူမှုဘဝ ဒုက္ခများနှင့် ပတ်သက်ပြီး ရခိုင်အမျိုးသားကွန်ရက်ကို ထူထောင်၍ ကူညီ ကယ်ဆယ်ရေးလုပ်ငန်းများကို ဆောင်ရွက်နေသည့် ဦးတင်ထူးအောင်သည် လာမည့် ၂၀၂၀ အထွေထွေ ရွေးကောက်ပွဲတွင် ရန်ကုန်တိုင်းဒေသကြီး၊ ရခိုင်တိုင်းရင်းသားလူမျိုးများရေးရာဝန်ကြီးအဖြစ် ရွေးကောက်ခံမည့် ဖြစ်သည်။

ရခိုင်တိုင်းရင်းသားများသည် လက်ရှိတွင် ရခိုင်ပြည်နယ်၌ တိုက်ပွဲများ၏ အကျိုးဆက်များကို ခံစားရကာ လူမှု ဘဝ လုံခြုံရေး နိမ့်ကျနေသလို ရခိုင်တိုင်းရင်းသားများနှင့် ရခိုင်ပြည်နယ်အတွင်းရှိ မွတ်စလင်ဘာသာဝင်များ ကြားက လူမှုရေး ပဋိပက္ခများကြောင့်လည်း နိုင်ငံတကာ၏ အာရုံစိုက်မှုကို ခံနေကြရသည်။

ထို့ကြောင့် ဦးတင်ထူးအောင် အနေဖြင့် ရွေးကောက်ပွဲ အနိုင်ရရှိခဲ့ပါက ရခိုင်တိုင်းရင်းသားများ၏ လူမှုဘဝ လုံခြုံရေး ၊ ရခိုင်ပြည်နယ်အတွင်းရှိ မွတ်စလင် ဘာသာဝင်များ၏ လူမှုဘဝ လုံခြုံရေး၊ ရခိုင် လက်နက်ကိုင် AA ၏ ကွန်ဖက်ဒရေးရှင်းတောင်းဆိုမှုနှင့် ဖက်ဒရယ်တည်ဆောက်ရေး အားပြိုင်နေခြင်းအပေါ်ဘယ်လို ပေါင်းစပ် ပေးနိုင်မလဲ၊ ရခိုင်တိုင်းရင်းသားလူမျိုးများရေးရာဝန်ကြီးက ရခိုင်အရေးအရာများထက် အားလုံးအရေးကို ဆောင်ရွက်နေရမှုကို ဘယ်လိုပုံစံ ထိန်းညှိဆောင်ရွက်မည်လဲဆိုသည့်အပေါ် မဇ္ဈိမ မီဒီယာမှ အယ်ဒီတာ ချစ်မင်းထွန်းက တွေ့ဆုံ မေးမြန်းထားပါသည်။