ဇူလိုင် ၂၅ရက်
နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ လုံခြုံရေးအတွက် နှစ်ပေါင်း ၂၀ ကျော် ဆောင်ရွက်ပေးခဲ့သည့် ဦးစိုးဝင်းသည် ဇူလိုင် ၂၅ ရက်၊ ညနေ ၃ နာရီခန့်တွင် ကွယ်လွန်သွားခဲ့သည်။
ဦးစိုးဝင်းသည် သားဖြစ်သူနှင့်အတူ ခရီးသွားလာစဉ် ဦးနှောက်သွေးကြောပြတ်ကာ ကွယ်လွန်ခဲ့ခြင်းဖြစ်သည်။
ဦးစိုးဝင်း၏ နာရေးကိုမူ ဇူလိုင် ၂၆ရက်တွင် ပြုလုပ်သွားမည်ဖြစ်သည်ဟု သိရသည်။
ဦးစိုးဝင်းသည် အမျိုးသားဒီမိုကရေစီအဖွဲ့ချုပ်စတင်တည်ထောင်ချိန်တွင် ပါတီသို့ဝင်ရောက်ခဲ့သည်။
၁၉၉၅ ခုနှစ်တွင် သုံးရောင်ခြယ်အဖွဲ့ဝင်အဖြစ်လည်းဆောင်ရွက်ခဲ့ပြီး ဒေါ်အောင်ဆန်းစုကြည်၏ လုံခြုံရေး ကို ထိုစဉ်အချိန်မှ ယနေ့အထိ ဆောင်ရွက်ခဲ့သူလည်းဖြစ်သည်။
သူကွယ်လွန်သွားခဲ့သည့်အတွက် နိုင်ငံရေးလုပ်ဖော်ကိုင်ဖက်များ၊အစိုးရအဖွဲ့ဝင်တချို့နှင့် ပါတီဝင်များက ဝမ်းနည်းစိတ်မကောင်းကြောင်း လူမှုကွန်ရက်မှာ ရေးသားထားကြပါတယ်။