လပွတ္တာမြို့၊ပင်လယ်လေးတံတားကို ၂၀၁၉ခုနှစ်တွင် ဖွင့်လှစ်မည်ဖြစ်ကြောင်း ဧရာဝတီတိုင်းဒေသကြီး လျှပ်စစ် စွမ်းအင် စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဦးဝင်းဌေးက ပြောသည်။
"အသစ်တည်ဆောက်တဲ့ တံတားတွေရှိသလို အဆင့်မြှင့်တင်တဲ့တံတားတွေရှိတယ်။ အဆင့်မြှင့်တင်တဲ့ တံတားက ၃စင်း လပွတ္တာ၊ ပင်လယ်လေးတံတားဆိုရင် ၆ဝရာနှုန်းလောက်ပြီးနေပြီ၊ဝါးခယ်မမြို့နယ်မှာရှိတဲ့ ရွှေလောင်၊ဝါးခယ်မ တံတားနှစ်စင်းဆို ၁၅ရာနှုန်းလောက်ပြီးနေပြီ။ ပင်လယ်လေးတံတားဆို စက်တင်ဘာ ၊ အောက်တိုဘာ လောက် အပြီးဆောက်မယ်လို့ မှန်းထားတယ်”ဟု ဧရာဝတီတိုင်းဒေသကြီး လျှပ်စစ်စွမ်းအင် စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဦးဝင်းဌေးက မဇ္ဈိမ သို့ပြောသည်။
ဧရာဝတီတိုင်းဒေသကြီးတွင် လက်ရှိအချိန်၌ ကြိုးတံတား ၃စင်း အဆင့်မြှင့်တင်ခြင်းနှင့် ဖျာပုံခရိုင်နှင့် ပုသိမ် ခရိုင်တို့ကို ချိတ်ဆက်မည့် တံတားနှစ်စင်း ၊ ပုသိမ်မြစ်ကူးတံတားတစ်စင်းတို့အား ပြည်ထောင်စုဘက်ဂျက်ဖြင့် လုပ်ဆောင်နေကြောင်း သိရသည်။
အဆိုပါ တံတားများကို ၂၀၂ဝတွင် တည်ဆောက်ပြီးစီးနိုင်ကြောင်းသိရှိရသည်။
ရိုက်ကူး- စည်သူမောင်မောင်
