ရန်ကုန် ၊ ဇန်နဝါရီလ ၁၄ ။ ။ ၂၀၁၈ ခုနှစ်အတွင်း ရန်ကုန်မြို့ရှိလမ်းများပေါ်တွင် ယာဉ်စည်းကမ်း လမ်းစည်းကမ်း ချိုးဖောက်သည့် မော်တော် ယာဉ်များကို ပြည်သူများက ဓာတ်ပုံရိုက်၍ ယာဉ်ထိန်းရဲတပ်ဖွဲ့သို့ Viber ဖြင့် တိုင်ကြားလာမှုကြောင့် ယာဉ်အစီးရေ ၄၆၀၆ စီးကို အရေးယူထားကြောင်း သိရသည်။
အရေးယူထားသည့် ယာဉ်များတွင် ကိုယ်ပိုင်ယာဉ်အများဆုံးဖြစ်ပြီး ကိုယ်ပိုင်ယာဉ် ၂၆၄၅ စီး အငှား ယာဉ်(တက္ကစီယာဉ်) ၁၆၃၂ စီး ၊ ခရီးသည်တင်ယာဉ် ၂၄၅စီး နှင့် အငှားကုန်တင်ယာဉ်၈၄ စီး ကို အရေးယူဆောင်ရွက်ထားခြင်း ဖြစ်သည်။
၂၀၁၈ ခုနှစ်အတွင်း Viber ဖြင့် တိုင်ကြားထားသည့် ယာဉ်စည်းကမ်း ၊ လမ်းစည်းကမ်း ချိုးဖောက်သည့် မော်တော်ယာဉ်များအရေးယူထားရှိမှုတွင် နိုဝင်ဘာလ တွင် ၅၂၅ စီး ဖြင့်အများဆုံးဖြစ်နေပြီး ဇန်နဝါရီလ တွင် ၃၀၂ စီး၊ ဖေဖော်ဝါရီလ တွင် ၄၃၃ စီး ၊မတ်လ တွင် ၂၉၇ စီး၊ ဧပြီလတွင် ၁၆၂ စီး ၊ မေတွင် ၂၂၀ စီး ၊ ဇွန်တွင် ၄၂၆ စီး ၊ ဇူလိုင်လ တွင် ၃၁၉ စီး ၊ သြဂုတ်လ တွင် ၅၂၂ စီး ၊စက်တင်ဘာလ တွင် ၅၀၇ စီး ၊အောက်တိုဘာလ တွင် ၃၈၂ စီး ၊ နိုဝင်ဘာလတွင် ၅၂၅ စီး နှင့် ဒီဇင်ဘာလတွင် ၅၁၁ စီး တို ့ကိုအရေးယူထားကြောင်း အမှတ် (၂) ယာဉ်ထိန်းရဲတပ်ဖွဲ့ခွဲ ့မှုးရုံး မှ သိရသည်။
အဆိုပါ တိုင်ကြားမှုများသည် ၂၀၁၇ ခုနှစ် ကထက်တိုင်ကြားလာမှုပိုများခဲ့ပြီး တိုင်ကြားသည့်ယာဉ်များကို စည်းကမ်းချိုးဖောက်မှု ရှိမရှိ စီစစ်ပြီးမှသာ အရေးယူဆောင်ရွက်ခြင်းဖြစ်ကြောင်း သိရသည်။
အဆိုပါ ယာဉ်စည်းကမ်းလမ်းစည်းကမ်းချိုးဖောက်မှုများကို Viber ဖြင့် ပြည်သူများတိုင်ကြားနိုင်ရန်အတွက် ယာဉ်ထိန်းရဲတပ်ဖွဲ ့က ၂၀၁၅ ခုနှစ် သြဂုတ်လ ၁၂ ရက်နေ ့က စတင်ကာ အကောင်ထည် ဖော်ခဲ့ပြီး Viber ဖုန်းနံပတ် ၀၉ ၇၇၇ ၄၃၆၂၃၂ ၊ ၀၉ ၇၇၇ ၄၃၆၂၃၃ ၊ ၀၉ ၇၇၇၄၃၆၂၃၄ တို့ကို တိုင်ကြားနိုင်ကြောင်း သိရသည်။
