ဇူလိုင် ၂၈ ။ ။ တရုတ်နိုင်ငံအနောက်တောင်ပိုင်းရှိ ကမ္ဘာ့အမြင့်ဆုံး မိုးမျှော်ရေတံခွန်နဲ့ ပတ်သက်ပြီး ဒေသခံတချို့က ပြောဆိုဝေဖန်လာကြတာဖြစ်ပါတယ်။
Guiyang မြို့ရှိအဆောက်အဦကြီးရဲ့ မျက်နှာစာကို ၁၀၈ မီတာ (၃၆၀ ပေ) နဲ့တည်ဆောက်ထားပြီး ၎င်းအဆောက်အဦဒီဇိုင်းအတွက် အကုန်အကျများခဲ့တယ်လို့ သိရပါတယ်။
Liebian အပြည်ပြည်ဆိုင်ရာအဆောက်အဦကြီးကို ဆောက်လို့မပြီးသေးပေမယ့် ပြီးခဲ့တဲ့နှစ်နှစ်လောက်ကတည်းက ၎င်းရေတံခွန်ကို တည်ဆောက်ပြီးစီးခဲ့တာ ဖြစ်ပါတယ်။
၁၂၁ မီတာအမြင့်ရှိတဲ့ အဆိုပါရေတံခွန်ကို ၆ ကြီမ်လောက်သာ ဖွင့်ခဲ့ပေမယ့် ရေစက် တစ်နာရီမောင်းတိုင်း တရုတ်ယွမ် ၈၀၀ (ဒေါ်လာ ၁၂၀) ကုန်ကျတယ်လို့ သိရပါတယ်။
၎င်းမိုးမျှော်ရေတံခွန်ပါဝင်တဲ့ အဆောက်အဦကြီးကို Ludi စက်ရုံအဖွဲ့အစည်းက တာဝန်ယူတည်ဆောက်ထားတာဖြစ်ပြီး ဟိုတယ်၊ ဈေးဝယ်စင်တာနဲ့ ရုံးခန်းတွေပါဝင်မှာဖြစ်ပါတယ်။
အဆိုပါရေတံခွန်ဟာ ဒေသတွင်းသဘာဝထိန်းသိမ်းမှုဖြစ်တယ်လို့ ကုမ္ပဏီကပြောပေမယ့် ဒေသခံတွေကတော့ ငွေကြေးဖြုန်းတီးမှုတစ်ခုဖြစ်ကြောင်း ပြောဆိုဝေဖန်ကြတာဖြစ်ပါတယ်။
