ဧပြီ ၆ ။ ။ တိုက်လေယာဉ်လေ့ကျင့်ပျံသန်းစဉ် စက်ချို့ယွင်းမှုကြောင့် လေယဉ်ပျက်ကျ ကျဆုံးသွားသော ဗိုလ်မှူး အာကာဝင်း၏ ဇနီးထံသို့ နိုင်ငံတော်အတိုင်ပင်ခံပုဂ္ဂိုလ်က အားပေးစကားပေးပို့ခဲ့သည်။
မိသားစုနှင့် ထပ်တူဝမ်းနည်းကြေကွဲရကြောင်း အားပေးစကားတွင် “ စွမ်းစွမ်းတမံ စွမ်းဆောင်ရင်း ကျဆုံးသွားခဲ့ရသည့်အတွက် ကျန်ရစ်သူ သမီး မမြတ်မြတ်သစ်တို့ မိသားစုနှင့် ထပ်တူထပ်မျှ အထူးပင် ၀မ်းနည်းကြေကွဲရကြောင်း မေတ္တာဖြင့် အားပေးစကားပြောကြားလိုက်ရပါသည် ” ဟု ဖော်ပြထားသည်။
တောင်ငူလေတပ်စခန်းဌာနချုပ်မှ လေ့ကျင့်ပျံသန်းမှုဆောင်ရွက်နေသော အက်ဖ် - ရ လေယာဉ်တစ်စီးသည် ဧပြီ ၃ ရက် နံနက်ပိုင်းတွင် လေယာဉ်ကွင်း၏ အနောက်ဘက် ၃ မိုင်ခန် ့ အကွာ အမြင့်မီတာ ၅၀၀ ခန့် အရောက်၌ စက်ချို့ယွင်းမှုကြောင့် ပျက်ကျသွားခဲ ့ခြင်းဖြစ်ကြောင်းသိရသည်။
တောင်ငူမြို့နယ်၊ ကျွန်းကုန်းကျေးရွာအုပ်စုထဲတွင် တပ်မတော်ပိုင် လေ့ကျင့်ရေးလေယာဉ်တစ်စီးပျက်ခဲ့မှုတွင် လေယာဉ်မှူး ဗိုလ်မှူး အာကာဝင်းသည် အရေးပေါ်လေထီးဖြင့် ခုန်ထွက်ခဲ့သော်လည်း ရရှိသော ဒဏ်ရာများ ကြောင့် တောင်ငူမြို့ရှိ တပ်မတော်ဆေးရုံသို့ ပို့ဆောင်ကုသမှုခံယူစဉ် ကွယ်လွန်သွားခဲ့ကြောင်း တပ်မတော်မှ သတင်းထုတ်ပြန်သည်။
