ရှောက်ပင်စိုက်ပျိုးရေး အပိုင်း (၁)

.

                                                          

ရှောက်ပင်ရဲ့မူရင်းဒေသကတော့မြန်မာနိုင်ငံနဲ့ အရှေ့တောင်အာရှဒေသကပဲ ဖြစ်ပါတယ်။   ရှောက်ပင်စိုက်ပျိုးရန်အသင့်တော်ဆုံး မြေအမျိုးအစားတွေကတော့ မြေသားထုနက်ပြီး   လေ၀င်လေထွက်ကောင်းမွန်တဲ့ မြေ၊ရေစိမ့်ဝင်မှုကောင်းတဲ့ မြေအမျိုးအစားတွေဖြစ်ပြီး အပူလျော့ပိုင်းဒေသနဲ့ အပူပိုင်းမကျတကျရှိတဲ့ နေရာတွေပဲဖြစ်ပါတယ်။

ရှောက်ပင်ကိုအစေ့ကဖြစ်စေ ကိုင်းကူးခြင်းဖြစ်စေ စိုက်ပျိုးနိုင်ပါတယ်။တပင်နဲ့တစ်ပင်ကို ၁၅ပေခန့်ခွာပြီး စိုက်ပျိုးရမှာဖြစ်ပါတယ်။

သဲကြမ်းမြေ သို့မဟုတ် သဲနုန်းမြေတွေမှာဆိုရင်တော့ ရေသွင်းပေးရန် လိုအပ်ပါတယ်။ ကြီးထွားနှုန်းမြန်သည့်အချိန် နဲ့ အသီးအပွင့်ဝင်တဲ့ အချိန်တွေမှာ ရေငတ်တဲ့ဒဏ်ကို မခံနိုင်ပါဘူး။

အသီးသီးတဲ့အချိန်မှာ မကြာခဏရေငတ်ရင်တော့ အသီးတင်မှုလျော့နဲတက်ပါတယ်။ ရေငတ်တာကို မခံနိုင်ပေမယ့်ရေ၀ပ်ခြင်းကိုလဲ မနှစ်သက်ပါဘူး။

ရေကို မတ်လမှဇွန်လအတွင်း အပတ်စဉ်ရေသွင်းပေးရမှာဖြစ်ပြီး နိုဝင်ဘာလမှ ဖေဖ၀ါရီလအထိ ရေကို နှစ်ပတ်တကြိမ်သွင်းပေးရမှာ ဖြစ်ပါတယ်။

ကျရောက်တက်တဲ့ ရောဂါပိုးတွေကတော့ ပျပိုး၊အကြေးပိုး၊ပင်စည်ထွင်းပိုး နှင့်ရွက်ထွင်းပိုးတို့ဖြစ်ပြီး ကျရောက်တက်တဲ့ ရောဂါတွေကတော့ မှိုရောဂါ နဲ့ ဖားဥမှိုရောဂါတို့ပဲ ဖြစ်ပါတယ်။