Shop.com.mm

မော်တော်ဆိုင်ကယ်မတော်တဆဖြစ်မှုကြောင့် ဆေးရုံတက်ခဲ့ရသည့် ဂျာရတ်ဘတ်တလာ

.

 

စကော့တလန်မင်းသား ဂျာရတ်ဘတ်တလာသည် မော်တော်ဆိုင်ကယ်မတော်တဆဖြစ်မှုကြောင့် ဆေးရုံသို့ လျင်မြန်စွာသွားရောက်၍ ကုသမှုခံယူခဲ့ရသည်။

ဂျာရတ်ဘတ်တလာသည် သူ၏မော်တော်ဆိုင်ကယ်ကို လော့စ်အိန်ဂျယ်လိစ်တစ်ခွင်၌ မောင်းနှင်နေစဉ်တွင် ကားတစ်စီးက၀င်တိုက်ပြီး မောင်းပြေးသွားခဲ့ကြောင်း TMZ သတင်းဝက်ဘ်ဆိုက်၏အဆိုအရ သိရသည်။ ထို့ကြောင့်ဒဏ်ရာရရှိခဲ့သောသူ့ကို ဆေးရုံသို့လျင်မြန်စွာ ပို့ဆောင်ပေးခဲ့ရသည်။

ကံကောင်းထောက်မစွာဖြင့် ဂျာရတ်ဘတ်တလာသည် အသေးစားပွန်းပဲ့ဒဏ်ရာများသာရရှိခဲ့ပြီး အရိုးများ ကျိုးသွားခဲ့ခြင်းမရှိကြောင်း သိရသည်။ ထို့ကြောင့် သူသည်လာမည့်သောကြာနေ့တွင် ရုံတင်ပြသသွားမည့် သူ၏ရုပ်ရှင် Geostorm ၏ အထူးပြသပွဲသို့ တက်ရောက်နိုင်မည်ဖြစ်သည်။

300 ရုပ်ရှင်ဇာတ်ကားဖြင့် လူသိများသော ဂျာရတ်ဘတ်တလာသည် မော်တော်ဆိုင်ကယ်စီးနင်းခြင်းကို အလွန်ကြိုက်နှစ်သက်သူဖြစ်ပြီး မတော်တဆမှုဖြစ်ပွားခဲ့ချိန်၌ သူ၏ ဟာလေဒေဗစ်ဆန်ဆိုင်ကယ်ကြီးကို စီးနင်း နေခဲ့ကြောင်း သိရသည်။