ဘူးသီးတောင်၊ စက်တင်ဘာ ၅ ရက်။ ။ ဘူးသီးတောင် မြို့မ ရဲစခန်းမှ ရဲတပ်ကြီးတစ်ဦးမှာ ယမန်နေ့က ARSA အကြမ်းဖက်အဖွဲ့များ၏ သြတ်ဖတ်ခြင်းကြောင့် သေဆုံးသွားခဲ့ကြောင်း သိရသည်။
စက်တင်ဘာလ ၄ ရက်နေ့က သေဆုံးသူမှာ ရဲတပ်ကြပ်ကြီး ဦးဦးလှဖော် အသက် (၅၅)နှစ် ဖြစ်ကြောင်း သိရသည်။
"ဘူးသီးတောင်စခန်းနဲ့ ၄ မိုင်အကွာမှာ တပ်ကြပ်ကြီးအလောင်းကို ဒဏ်ရာတွေနဲ့ သေဆုံး ပြီးတော့ တွေ့ရပါတယ်။ အခင်းဖြစ်တဲ့နေရာကို ဥပဒေအတိုင်း သက်သေတွေ စစ်ဆေးဖို့လုပ်နေပါတယ်။ အခုတော့ အလောင်းကို ရင်ခွဲရုံကို ပို့ထား ပါတယ်။"ဟု ဘူးသီးတောင်မြို့မ စခန်းမှူး ဦးသောင်းကြွယ်က ပြောသည်။
စက်တင်ဘာလ ၄ ရက်နေ့ ညနေ ၄ နာရီအချိန်တွင် တာဝန်ဖြင့်သွားသည့် တပ်ကြပ်ကြီး ဦးဦးလှဖော်၏ အလောင်းကို စခန်းနှင့် ၄ မိုင်အကွာ၌ သေနတ် ဒဏ်ရာဖြင့် သေဆုံးလျှက် တွေ့ရှိခဲ့ခြင်းဖြစ်ကြောင်း ဦသောင်းကြွယ်က ပြောသည်။
