ဇွန်လ ၉ ။ ။ ဒေသခံ စက်လှေတစ်စီးအား အမည်မသိသူ လူ ၃ ဦး က ဓါးပြတိုက်မှုတစ်ခု ရခိုင်ပြည်နယ်၊ မြောက်ဦးမြို့တွင် ဖြစ်ပွားခဲ့သည်။
ဖြစ်စဉ်မှာ မြောက်ဦးမြို့ ဝသဲရပ်ကွက်နေ ဦးညွန့်သာအောင်သည် ဇွန် ၈ ရက် နံနက် ၂ နာရီ တွင် စက်လှေဖြင့် မြောက်ဦးမြို့နယ် ညောင်ပင်လှကျေးရွာမှ အပြန် မင်းပြားမြို့နယ် လောင်မီးကျေးရွာ အနီးတွင် စက်လှေအားရပ်နားပြီး အိပ်နေခဲ့သည်။
ထိုသို့ အိပ်နေစဉ် စက်လှေအနီးသို့ လှေတစ်စီးကပ်လာပြီး လှေပေါ်ပါ အမည်မသိသူ ၃ ဦး(စုံစမ်းဆဲ)မှ တုတ်၊ဓား လက်နက်များ ကိုင်ဆောင်ပြီး ခြိမ်းခြောက်၍ စက်လှေပေါ် ပါလာသည့် တရုတ်နိုင်ငံလုပ် ရေစုပ်စက်ငယ် ၁ လုံး၊မျှင်တံပါ စက် ၁ လုံး စုစုပေါင်း တန်ဖိုး ၅၅၀၀၀၀ ကျပ်ခန့်အား ဖြုတ်ယူသွားခဲ့ သည်။
အမည်မသိသူ ၃ ဦးသည် မျှင်တံပါစက်အား ဖြုတ်ယူရန်ဆောင်ရွက်နေစဉ် ဦးညွန့်သာမောင်သည် စက်လှေပေါ်မှ ရေထဲသို့ခုန်ချလွတ်မြောက်ခဲ့ရာမှ မြောင်းဘွေ ရဲစခန်းသို့ တိုင်တန်းခဲ့သဖြင့် လိုက်လံရှာဖွေရာ စက်လှေအား ငပုဂွကျေးရွာအနီး မြစ်ထဲ၌ ပြန်လည်တွေ့ရှိ ခဲ့သည်ဟု နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီမှ ထုတ်ပြန်သည်။
စက်လှေအား ဓါးပြတိုက်သွားသည့် အမည်မသိသူ လူ (၃)ဦးအား ဖမ်းဆီးရမိနိုင်ရေး အမှုဖွင့်စုံစမ်းလျက်ရှိကြောင်းသိရသည်။
