ရန်ကုန်၊ ဇွန်လ ၅ ။ ။ မူဆယ်မြို့တောင်ဘက် ၁ဝ မိုင်အကွာ၊ လားရှိုး - မူဆယ်ပြည်ထောင်စုကားလမ်းမကြီးတွင် နောက်တွဲယာဉ် အ တွင်း အံဝှက်ပြုလုပ်ပြီး သယ်ဆောင်လာသည့် အမိုနီယမ်နိုက်ထရိတ် ၁၅၆ အိတ်အား ဇွန်လ ၅ ရက်၊ နံနက် ၈ နာရီတွင် ဖမ်းဆီးရမိခဲ့ကြောင်း တပ်မတော်ကာကွယ်ရေးဦးစီးချုပ်ရုံးမှ သတင်းထုတ်ပြန်သည်။
တပ်မတော်နှင့် ရဲတပ်ဖွဲ့မှ သတင်းအရ ဇွန်လ ၅ ရက်၊ နံနက် ၈ နာရီတွင် လားရှိုး - မူဆယ်ပြည် ထောင်စုကားလမ်းမကြီး၌ ရှာဖွေစစ်ဆေးနေစဉ် ဦးမြတ်ကိုဆိုသူ မောင်းနှင်လာသည့် နောက်တွဲယာဉ်အတွင်းမှ အံဝှက်ပြုလုပ်ပြီး သယ်ဆောင်လာသည့် အဆိုပါ အမိုနီယမ်နိုက်ထရိတ် ထည့်ထားသည့် အိတ်များကို ရှာဖွေ ဖမ်းဆီးရမိခဲ့ခြင်းဖြစ်ကြောင်းသိရသည်။
ထိုသို့ ဖမ်းဆီးရမိခဲ့သည့် အမိုနီယမ်နိုက်ထရိတ်အိတ်များ၊ နောက်တွဲယာဉ်နှင့် ဦးမြတ်ကိုဆိုသူတို့ကို ဖမ်းဆီးခဲ့ သည့် တပ်မတော်နှင့် ရဲတပ်ဖွဲ့မှ မူဆယ်မြို့နယ်ရဲစခန်းသို့ လွှဲပြောင်းအပ်နှံသွားမည်ဖြစ်ကြောင်း သိရသည်။
