မတ် ၂၀၊ အင်္ဂလန် ။ ။ နည်းပြ ဂျာဂင်ကလော့ပ်ရဲ့လီဗာပူးလ်အသင်းဟာ ဒီနှစ်ပရီးမီးယားလိဂ်မှာ ပြိုင်ဘက်ထိပ်သီးအသင်းကြီးငါးသင်းစလုံးကို နှစ်ကျော့စလုံး ရှုံးပွဲမရှိအောင် ကစားနိုင်ခဲ့ပါတယ်။
အီတီဟတ်ကွင်းမှာ မန်စီးတီးအသင်းနဲ့ကစားခဲ့တဲ့ပွဲစဉ်မှာ တစ်ဖက်တစ်ဂိုးစီသရေကျခဲ့ပြီးတဲ့နောက် လီဗာပူးလ်အသင်းဟာ ဒီစံချိန်ကို ရရှိခဲ့တာ ဖြစ်ပါတယ်။
လီဗာပူးလ်အသင်းဟာ ချယ်လ်ဆီး၊ မန်ယူ၊ မန်စီးတီး၊ အာဆင်နယ်၊ စပါးတို့နဲ့ ကစားခဲ့တဲ့ ၁၀ ပွဲမှာ ၅ ပွဲနိုင်ပြီး ၅ ပွဲသရေကျကာ ရမှတ် ၂၀ အထိ ရအောင် ရယူနိုင်ခဲ့ပါတယ်။
လီဗာပူးလ်အသင်းဟာ အာဆင်နယ်အသင်းကို နှစ်ပွဲစလုံး အနိုင်ရအောင် ကစားနိုင်ခဲ့ပြီး မန်ယူနဲ့တော့ ၂ ပွဲစလုံးသရေကျခဲ့ပါတယ်။ မန်စီးတီး၊ စပါး၊ ချယ်လ်ဆီးတို့ကိုတော့ တစ်ပွဲနိုင်၊ တစ်ပွဲသရေ ရလဒ်တွေ ရရှိအောင် ကစားနိုင်ခဲ့ပါတယ်။
လီဗာပူးလ်အသင်းကလွဲလို့ ကျန်ထိပ်သီးအသင်းကြီးတွေဟာ ထိပ်သီးပြိုင်ဘက်တွေနဲ့တွေ့ဆုံခဲ့ရာမှာ တစ်ပွဲမဟုတ် တစ်ပွဲတော့ ရှုံးနိမ့်ခဲ့ကြရပါတယ်။
လက်ရှိအချိန်မှာ လီဗာပူးလ်အသင်းဟာ ရမှတ် ၅၆ မှတ်ရရှိထားပြီး အဆင့်လေးနေရာမှာ ရပ်တည်နေပါတယ်။ ချယ်လ်ဆီးကလွဲလို့ ကျန်အသင်းကြီးအားလုံးဟာ အမှတ်ကွာဟမှု ကျဉ်းမြောင်းတာကြောင့် ချန်ပီယံလိဂ်ဝင်ခွင့်ရဖို့ကို အပြိုင်ကြိုးပမ်းလျက်ရှိနေကြပါတယ်။
ပြိုင်ဘက်အသင်းကြီးများနှင့် လီဗာပူးလ်၏ ရလဒ်များ
-------------------------------------------------------
အာဆင်နယ် ၃-၄ လီဗာပူးလ်
လီဗာပူးလ် ၃-၁ အာဆင်နယ်
စပါး ၁-၁ လီဗာပူးလ်
လီဗာပူးလ် ၂-၀ စပါး
ချယ်လ်ဆီး ၁-၂ လီဗာပူးလ်
လီဗာပူးလ် ၁-၁ ချယ်လ်ဆီး
လီဗာပူးလ် ၀-၀ မန်ယူ
မန်ယူ ၁-၁ လီဗာပူးလ်
လီဗာပူးလ် ၁-၀ မန်စီးတီး
မန်စီးတီး ၁-၁ လီဗာပူးလ်
ရည်ညွှန်း ပရီးမီးယားလိဂ်