နယူးယော့ခ် ၊ စက်တင်ဘာ ၂၄ ။ ။ ဗြိတိန်တေးဂီတအဖွဲ့ Iron Maiden သည် ၎င်းတို့၏ ဥရောပဖျော်ဖြေပွဲ “ The Book Of Souls” ကမ္ဘာလှည့်ဖျော်ဖြေပွဲကို ၂၀၁၇ နွေဦးတွင် ဆက်လက် ကျင်းပသွားမည် ဖြစ်ကြောင်း နှင့် ၃၅ နှစ်အတွင်း ပထမဆုံး အကြိမ်အဖြစ် ဘယ်လ်ဂျီယံနိုင်ငံ အန်ထရပ်မြို့တွင် ပြန်လည် ကျင်းပသွားမည်ဖြစ်သည်။
ဥရောပ ကမ္ဘာလှည့် ဖျော်ဖြေပွဲ ဒုတိယခရီးစဉ်ကို ဧပြီ ၂၂ရက်တွင် အန်ထရပ်မြို့၌ ပထမဆုံး စတင်သွားမည်ဖြစ်ပြီး ဗြိတိန် ၊အိုင်ယာလန် ၊ ဂျာမနီနိုင်ငံတို့တွင်လည်း ဖျော်ဖြေသွားမည်ဖြစ်ပြီး မေ ၂၇ရက်တွင် လန်ဒန်မြို့ O2 အားကစားကွင်းတွင် ဖျော်ဖြေပွဲ ပိတ်သိမ်းသွားမည်ဖြစ်သည်။
Iron Maiden အဖွဲ့သည် ဆဌမမြောက် စတူဒီယိုအယ်လ်ဘမ် “ The Book of Souls” ကို ၂၀၁၅ ခုနှစ် စက်တင်ဘာလက ထွက်ရှိခဲ့ကြောင်း နှင့် ယင်းတေးအယ်လ်ဘမ်သည် ဗြိတိန်တေးအယ်လ်ဘမ် ဇယားတွင် ထိပ်ဆုံးမှ ရပ်တည်ခဲ့ပြီး အမေရိကန်တွင် နံပါတ်လေးနေရာ၌ ရပ်တည်နေသည်။
Iron Maiden သည် “ The Book of Souls” ကမ္ဘာလှည့်ဖျော်ဖြေရေးကို ဖေဖော်ရီလက မြောက်အမေရိကတွင် စတင်ခဲ့ပြီး ချီလီ ၊ အာဂျင်တီးနား ၊ ဘရာဇီးလ် ၊ တရုတ် ၊ ဂျပန် ၊ နယူးဇီလန် ၊သြစတြေးလျ နှင့် တောင်အာဖရိက သို့လည်း သွားရောက်ဖျော်ဖြေခဲ့သည်။၎င်းတို့၏ ဥရောပ ကမ္ဘာလှည့် ဖျော်ဖြေရေး ပထမပိုင်း ခရီးစဉ်ကို သြဂုတ်လက အဆုံးသတ်ခဲ့သည်။
ဥရောပ ကမ္ဘာလှည့် ဖျော်ဖြေပွဲ ဒုတိယခရီးစဉ် ဖျော်ဖြေပွဲ လက်မှတ်များကို ၂၀၁၆ စက်တင်ဘာ ၃၀ရက်တွင် ရောင်းချ ပေးသွားမည်ဖြစ်သည်။
