ဇွန် ၁၂၊ ရန်ကုန်။ ။ ဇွဲကပင်ယူနိုက်တက်အသင်း နည်းစနစ်ဒါရိုက်တာ ဦးဆန်းဝင်းက အသင်းအနေဖြင့် ရှုံးပွဲဆက်နေခြင်းမှာ ကံတရားကြောင့်ဖြစ်သည်ဟု ပြောသည်။
ဇွဲကပင်အသင်းမှာ မြန်မာနေရှင်နယ်လိဂ် နောက်ဆုံး ၇ပွဲဆက် နိုင်ပွဲပျောက်နေပြီး ၆ပွဲရှုံး၊ ၁ပွဲသရေ ရလဒ်သာ ရရှိထားသည်။
“ အသင်းကပွဲတိုင်းအကောင်းဆုံးကစားနိုင်ပေမယ့် ကံမကောင်းပါဘူး။ ကျွန်တော်တို့ရသင့်တဲ့ဂိုးတွေ မရဘူး။ ပွဲတိုင်းနည်းပါး ဂိုးပေးနေရတယ်။ အသင်းအနေနဲ့ တန်းမဆင်းရဖို့အတွက် နိုင်ပွဲပြန်ရဖို့ လိုနေပါပြီ။ ကျွန်တာ်တို့အသင်းရဲ့အဓိကရည်မှန်းချက်ကတော့ တန်းမဆင်းရဖို့ပါ။ ”ဟု ဦးဆန်းဝင်းကပြောသည်။
ဇွဲကပင်ယူနိုက်တက်အသင်းမှာ ၂၀၁၀ခုနှစ်တွင် အသင်းစတင်ဖွဲ့စည်းပြီးနောက်လက်ရှိအချိန်အထိ တန်းဆင်းဖူးခြင်းမရှိသောအသင်းဖြစ်သည်။