ညီညွတ်သောတိုင်းရင်းသားလူမျိုးများ ဖယ်ဒရယ်ကောင်စီ(UNFC) ၏ ဗဟိုအလုပ်အမှုဆောင်ကော်မတီ တိုးချဲ့အစည်းအဝေးကို ထိုင်းနိုင်ငံ ချင်းမိုင်မြို့တွင် ဇွန်လ ၁ ရက်က စတင်ကျင်းပနေပြီ ဖြစ်သည်။
ယင်းအစည်းအဝေးတွင် အစိုးရသစ်နှင့် UNFC မှ ဖွဲ့စည်းထားသော နိုင်ငံရေးဆိုင်ရာ ညှိနှိုင်းရေးကိုယ်စားလှယ်အဖွဲ့ (DPN)တို့ တွေ့ဆုံ ဆွေးနွေးရေး၊ မကြာသေးမီက UNFC အဖွဲ့ဝင်မှ ယာယီရပ်စဲရန် စာတင်ထားသည့် တအာင်းနှင့် ကိုးကန့်အဖွဲ့နှစ်ဖွဲ့နှင့် ပတ်သက်၍ ဆွေးနွေးသွားမည်ဟု သိရသည်။
