စစ်ကိုင်းတိုင်း၊ ကနီမြို့နယ်ကကျေးရွာအချို့မှာ လေကြောင်းတိုက်ခိုက်မှုကြောင့် ထိခိုက်ပျက်စီးသွားတဲ့ စာသင်ကျောင်းဆောင်တွေကို ပြန်လည်ဆောက်လုပ်ပေးနေတယ်လို့ ကူညီပေးနေသူတွေက ပြောပါတယ်။
ကျောင်းသား၊ကျောင်းသူ ဦးရေ ၂၀၀ ကျော် တက်ရောက်နေတဲ့ ကနီမြို့နယ် ကျေးရွာတရွာက စာသင်ကျောင်းဆောင်တွေဟာ လေကြောင်းတိုက်ခိုက်ခံရပြီး ထိခိုက်ပျက်စီးခဲ့ပါတယ်။
အဲ့ဒီကျေးရွာမှာစာသင်ဆောင်တခုကို"စာသင်ဆောင်အလှူ ဝိုင်းလို့ကူကမ်ပိန်း"က ရရှိငွေနဲ့ ဒီဇင်ဘာလ ၃ ရက်နေ့က ဆောက်လုပ်လှူဒါန်းနိုင်ခဲ့တယ်လို့ အညာပစ်တိုင်းထောင်လေးများအဖွဲ့ ဦးဆောင်သူက ပြောပါတယ်။
ဒီစာသင်ဆောင်ဟာ ငွေကျပ် ၁၅ သိန်းဝန်းကျင် ကုန်ကျပြီး အနာဂါတ်အလင်းတန်းများအဖွဲ့လှူဒါန်းငွေကတဆင့် ပြန်လည်လှူဒါန်းပေးခဲ့တာဖြစ်တယ်လို့ သိရပါတယ်။
တင်ဆက်၊တည်းဖြတ် - KMN
