လူတွေကို ရောင်းကုန်ပစ္စည်းတစ်ခုလို သဘောထားတာ၊ လူအချင်းချင်း ကျွန်ပြုစေခိုင်းတာတွေဟာ ရှေးဘဝေသဏီကတည်းက ရှိလာခဲ့တဲ့ ဆိုးရွားလှတဲ့ လူ့အခွင့်အရေး ချိုးဖောက်မှုကြီးတစ်ခုဖြစ်ပြီး ဒါကိုတိုက်ဖျက်ဖို့၊ ပြည်သူလူထုရဲ့ အသိပညာကို မြှင့်တင်ဖို့နဲ့ တစ်ချို့နေရာတွေမှာ ကျွန်ပြုခြင်းဟာ ခုထိ ပုံစံအမျိုးမျိုးနဲ့ရှိနေသေးတယ်ဆိုတာကို မေ့လျော့မနေကြဖို့ ရည်ရွယ်ပြီး နှစ်စဉ်နှစ်တိုင်း ဒီဇင်ဘာလ ၂ ရက်နေ့ကို အပြည်ပြည်ဆိုင်ရာ ကျွန်ပြုခြင်း တိုက်ဖျက်ရေးနေ့ အဖြစ် သတ်မှတ်ကျင်းပ ပြုလုပ်လေ့ ရှိပါတယ်။
မြန်မာနိုင်ငံမှာတော့ ကျွန်ပြုခြင်းဟာ ၂၀၂၁ ဖေဖော်ဝါရီလ ၁ ရက်နေ့ အာဏာသိမ်းပြီးချိန်ကစပြီး အဓမ္မလုပ်အားစေခိုင်းမှုဆိုတဲ့ ပုံစံတစ်မျိုးနဲ့ ပိုပြီး ဆိုးရွားတဲ့ ကျွန်ပြုခြင်းအခြေအနေမျိုး ဖြစ်ပေါ် လာနေပါတယ်။ အကြမ်းဖက် စစ်ကောင်စီက သာမန်ပြည်သူတွေကို ဖမ်းဆီးပြီးတော့ လူသားဒိုင်းအဖြစ်အသုံးပြုတာ၊ မိုင်းရှင်းတဲ့နေရာတွေမှာ အသုံးချတာ၊ သူတို့တပ်ရင်းတွေမှာ စေခိုင်းတာ စတာတွေကလည်း ကျွန်ပြုခြင်းပုံစံတွေထဲမှာ အပါအဝင် ဖြစ်ပါတယ်။
ဒီလို စနစ်ဆိုး၊ခေတ်ဆိုးကြီးကို ကြုံတွေ့ဖြတ်သန်းနေရတဲ့ အချိန်မှာ ပြည်သူလူထုအနေနဲ့ ကျွန်ပြုခြင်းပုံစံမျိုးနဲ့ ချိုးဖောက်မှုတွေကို ဘယ်လိုကာကွယ်နိုင်မလဲ၊ဘယ်လိုတိုက်တိုက်ဖျက်နိုင်မလဲ စတဲ့ အသိပညာဗဟုသုတတွေကို ပိုပို သိရှိထားဖို့ လိုအပ်ပါတယ်။
ဒါကြောင့် ဒီကနေ့ ကျရောက်တဲ့ အပြည်ပြည်ဆိုင်ရာ ကျွန်ပြုခြင်းတိုက်ဖျက်ရေးနေ့မှာ အမျိုးသား ညီညွတ်ရေးအစိုးရ၊ လူ့အခွင့်အရေးဆိုင်ရာဝန်ကြီးဌာန၊ဒုတိယဝန်ကြီး၊ ဦးအောင်ကျော်မိုးက အောက်ပါဗီဒီယိုသတင်းစကားလေးပါးထားတာကြောင့် ပြည်သူတွေအနေဖြင့် ကြည့်ရှုနိုင်လေ့လာနိုင်ဖို့ တင်ဆက်ပေးလိုက်ပါတယ်။
