မြန်မာနိုင်ငံ အကျဉ်းထောင်တွေအတွင်းမှာရှိနေတဲ့ အကျဉ်းသားတွေအနေနဲ့ လုံလောက်တဲ့ ဆေးဝါးကုသခွင့်တွေ ရရှိဖို့နဲ့ အရေးပေါ်ဆေးကုသခွင့်တွေကို ပိတ်ပင်တားဆီးခြင်း မပြုဘဲ ခွင့်ပြုပေးဖို့ဆိုတဲ့ရည်ရွယ်ချက်နဲ့ "အသက်တွေကို ပိတ်မထားနဲ့ ဖွင့်ပေး"ဆိုတဲ့ ဓာတ်ပုံကမ်းပိန်းကို မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက်က ဦးဆောင်ပြီး ပြုလုပ်နေပါတယ်။
၂၀၂၃ခုနှစ် ဒီဇင်ဘာလ ၁ ရက်နေ့ကနေ စမှာဖြစ်ပြီး အကျဉ်းသားတွေဆေးကုသခွင့် လျင်မြန်စွာရရှိဖို့အတွက် အရေးကြီးလိုအပ်တယ်လို့ မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက်က သတင်းနဲ့ပြန်ကြားရေးတာဝန်ခံ ကိုသိုက်ထွန်းဦးက မဇ္ဈိမကိုပြောပါတယ်။
အကျဉ်းထောင်တွင်းမှာ အရေးပေါ်ဆေးကုသခွင့်တွေမရတာ၊ ထောင်တွင်းဆေးရုံမှာ ဆေးဝါးအလုံအလောက်မရှိတာတွေကြောင့် သေဆုံးရတဲ့ အကျဥ်းသားတွေလည်း တဖြည်းဖြည််းများလာပါတယ်။ ၂၀၂၃ခုနှစ်အတွင်းမှာ ဆေးဝါးအလုံအလောက်နဲ့ ဆေးကုသမှု ကောင်းကောင်းမရှိတာကြောင့် အကျဉ်းသား ၁၅ဦးလောက် သေဆုံးခဲ့ရတယ်လို့ မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက်ကနေ သိရပါတယ်။
စာတည်း - သန့်ဇော်(သန်လျင်)
တင်ဆက်၊ တည်းဖြတ် - မိုးသောက်
#စစ်ကောင်စီ
#အကျဉ်းထောင်
#ဆေးကုသခွင့်
