စစ်ကိုင်းတိုင်း၊ ရေဦးမြို့နယ်၊ မုတ်စီကျေးရွာတွင် စစ်ကောင်စီ၏ ကျားဘီးလူးစစ်ကြောင်းကို ဒရုန်းဖြင့်ဗုံးချတိုက်ခိုက်ခဲ့ကြောင်း စစ်ကိုင်းခရိုင်တပ်ရင်း(၂)မှ နိုဝင်ဘာလ ၁၁ ရက်နေ့က ထုတ်ပြန်ထား သည်။

အင်အား ၇၀ ဦးခန့်ဖြင့် မုတ်စီကျေးရွာအနီးတွင် တပ်ဖြန့်ထားသည့် စစ်ကောင်စီတပ်ကို နိုဝင်ဘာလ ၁၁ ရက်နေ့ မွန်းလွဲ ၁ နာရီတွင် ဗုံးသီးလေးလုံးချ တိုက်ခိုက်ခဲ့ခြင်းဖြစ်သည်။ တိုက်ခိုက်မှုကြောင့် စစ်ကောင်စီ တပ်သားရှစ်ဦးထိခိုက်ခဲ့ပြီး ရေဦးမြို့သို့ ပို့ဆောင်ခဲ့ရကြောင်း သိရသည်။

“ဒဏ်ရာရတဲ့ စစ်ကောင်စီတပ်သားတွေ သေမသေ အတည်မပြုနိုင်သေးပါဘူး။ သူတို့ကို ရေဦးသယ်သွား တယ်ဆိုတာကိုတော့ အတည်ပြုထားနိုင်ပါတယ်”ဟု စစ်ကိုင်းခရိုင်တပ်ရင်း(၂) တာဝန်ခံက မဇ္စျိမကိုပြော သည်။

အဆိုပါတိုက်ခိုက်မှုကို စစ်ကိုင်းခရိုင်တပ်ရင်း(၂) တပ်ခွဲ(၂)၊ Ghost Team Ranger Myinmu ( GTR MMU)၊ ရွှေဘိုခရိုင်အမှတ် (၁၄)တပ်ရင်းနှင့် ရေဦး LPDF တို့ ပူးပေါင်းဆောင်ရွက်ခဲ့ခြင်း ဖြစ်သည်။

အဆိုပါ ကျားဘီလူးစစ်ကြောင်းသည် စစ်ကိုင်းတိုင်းအတွင်း၌ ပုလဲ၊ ယင်းမာပင်၊ ဒီပဲယင်း၊ ရေဦးစသည့်မြို့ နယ်အတွင်းမှ ကျေးရွာများကို ရွာစဥ်ပတ်စစ်ကြောင်းထိုးကာ အရပ်သားများကို ခေါင်းဖြတ်သတ်နေသည့် စစ်ကြောင်းဖြစ်ကြောင်း ကာကွယ်ရေးတပ်ဖွဲ့တာဝန်ခံက ပြောသည်။

နိုဝင်ဘာလ ၆ ရက်နေ့ကလည်း ရေဦးမြို့ တိုင်းရင်းဆေးရုံ၊ ရွှေကျီးမင်းဂိတ်၊ ဂါဝီဂိတ်တို့၌ အထိုင်ချထား သောစစ်ကောင်စီတပ်ဖွဲ့ဝင်များကို စစ်ကိုင်းခရိုင်တပ်ရင်း(၂)တပ်ခွဲ(၂)၊ Ghost Team Ranger Myinmu (GTR MMU) ၊ ရွှေဘိုခရိုင်အမှတ် (၁၄)တပ်ရင်း ၊ Federal Wings တို့မှ ဒရုန်းဖြင့် ဗုံသီး ၂၄ လုံးချတိုက် ခိုက်ခဲ့ရာ စစ်ကောင်စီတပ်သားကိုးဦး သေဆုံးခဲ့ကြောင်း သိရသည်။

စာတည်း။  ။စောဖေ
#စစ်ကိုင်းတိုင်း
#ရေဦးမြို့
#ကျားဘီလူးစစ်ကြောင်း