မန်ချက်စတာစီးတီးအသင်းဟာ အုပ်စုအဆင့်ပွဲစဉ်တွေ စတင်ချိန်မှာပဲ သူတို့ရဲ့ ချန်ပီယံလိဂ်ဖလားကို ဒီတစ်ပတ်မှာ စတင်ကာကွယ်ရတော့မှာ ဖြစ်ပါတယ်။

ပက် ဂွာဒီယိုလာရဲ့ အသင်းကို ပရီးမီးယားလိဂ်က အာဆင်နယ်၊ မန်ချက်စတာယူနိုက်တက်နဲ့ နယူးကာဆယ်တို့နဲ့အတူ ပါဝင်လာပြီး နှစ် ၂၀ ကြာ ဝေးကွာသွားပြီးနောက် သူတို့တွေ ပြန်လာခဲ့တာပါ။

စကော့တလန်ချန်ပီယံ ဆဲလ်တစ်ဟာ ဒုတိယရာသီဆက်တိုက် အုပ်စုအဆင့်ကို ကစားနေတာဖြစ်ပါတယ်။

ဒါက ၂၀၂၃-၂၄ ချန်ပီယံလိဂ်နဲ့ ပတ်သက်တဲ့ အဓိက အချက်အလက်တွေပါ။

ချန်ပီယံလိဂ်မှာ အုပ်စုအကျပ်တည်းဆုံးက ဘယ်အုပ်စုလဲ။

နယူးကာဆယ်အသင်းဟာ ပြင်သစ်ချန်ပီယံ ပဲရစ်စိန့်ဂျာမိန်း၊ အီတလီဘီလူးကြီး အေစီမီလန်နဲ့ ချန်ပီယံလိဂ်ချန်ပီယံဟောင်း ဒေါ့မွန်အသင်းတို့နဲ့အတူ အုပ်စုကျပ် (F) မှာ ကျရောက်နေပါတယ်။

စီးတီးဟာ လိုက်ပ်ဇစ်၊ Red Star ဘယ်ဂရိတ်နဲ့ ရမ်းဘွိုင်းတို့နဲ့အတူ ရင်ဆိုင်ရတာကြောင့် အုပ်စု (G) ကနေ တက်လှမ်းဖို့ အခွင့်အရေးကောင်းနေပါတယ်။

ဆဲလ်တစ်ဟာ ဖီယင်နု၊ အက်သလက်တီကို မက်ဒရစ်နဲ့ လာဇီယိုတို့ ပါဝင်တဲ့ အခွင့်သာတဲ့ အုပ်စုတခုအဖြစ် စာရွက်ပေါ်မှာ ရှိပါတယ်။

ယူနိုက်တက်အတွက် သိသာထင်ရှားတဲ့ စိုးရိမ်မှုကတော့ ဂျာမန်ဘီလူးကြီး ဘိုင်ယန်မြူးနစ်ပါပဲ။ ဒါပေမယ့်လည်း အုပ်စု (A) မှာ ကိုပင်ဟေဂင်နဲ့ ဂါလာတာစာရေးတို့နဲ့အတူ ယူနိုက်တက်က သူတို့ ဖြတ်ကျော်ဖို့ လုံလောက်ပြီလို့ ခံစားရပါလိမ့်မယ်။

အာဆင်နယ်အသင်းဟာ ယူရိုပါလိဂ်ချန်ပီယံဖြစ်တဲ့ ဆီဗီလာ၊ ပီအက်စ်ဗီနဲ့ လန်းစ်တို့ကို ရင်ဆိုင်ရမှာ ဖြစ်ပါတယ်။

နာမည်ကြီးကစားသမားတွေ ဘယ်သူ လွဲချော်သွားတာလဲ။

ဥရောပကလပ်ဘောလုံးလောကရဲ့ အကြီးကျယ်ဆုံး စင်မြင့်မှာ ခရစ္စတီယာနို ရော်နယ်လ်ဒိုနဲ့ လီယွန်နယ် မက်ဆီတို့ကို မြင်တွေ့ရမယ့် အလားအလာကို နှစ်ပေါင်းများစွာ ပေးအပ်ခဲ့ပေမယ့် ဒီနှစ်ချန်ပီယံလိဂ်မှာတော့ နှစ်ယောက်လုံး ပါဝင်ခွင့်မရှိတော့ပါဘူး။

ရော်နယ်လ်ဒိုဟာ ဆော်ဒီအာရေးဗီးယားကို ပြောင်းရွှေ့ခဲ့တဲ့ ပထမဆုံးနာမည်ကြီး ကစားသမားတွေထဲက တစ်ဦးဖြစ်ပြီး မက်ဆီဟာ အင်တာမီယာမီအသင်းနဲ့ အမေရိကန်မှာ ရှိနေစဉ် သူဟာ အယ်လ်-နာဆာအတွက် ကစားနေသူလည်း ဖြစ်ပါတယ်။

သူတို့နှစ်ဦးတည်းသာ လွဲချော်တာမဟုတ်ဘဲ ဘရာဇီးလ်တိုက်စစ်မှူး နေမာနဲ့ ပြင်သစ်တိုက်စစ်မှူး ကာရင် ဘင်ဇီမာတို့ ဆော်ဒီပရိုလိဂ်မှာ ရော်နယ်လ်ဒိုနဲ့အတူ ရောက်ရှိလာတာဖြစ်ပါတယ်။ သူတို့ဟာ အယ်လ်ဟီလာနဲ့ အယ်လ်-အီတီဟတ်ဒ်အသင်းတို့မှာ အသီးသီး ပူးပေါင်းခဲ့ကြတာပါ။

ပီအက်စ်ဂျီမှာ ပြင်သစ်တိုက်စစ်မှူး အမ်ဘာပေနဲ့ စီးတီးရဲ့ ဂိုးသွင်းစက် ဟာလန်တို့ စံချိန်မှတ်တမ်းတွေ ချိုးဖျက်ဖို့ ကြိုးစားနေတာနဲ့အတူ လက်ရှိနဲ့ အနာဂတ်ရဲ့ နာမည်အကြီးဆုံး ကစားသမားအချို့ကို ကျနော်တို့တွေ မြင်တွေ့ရပါသေးတယ်။

လမိုင် ရာမာလ်ဟာ စိတ်လှုပ်ရှားမှုများစွာကိုလည်း ဖြစ်စေပါတယ်။ အသက် ၁၆ နှစ်သာရှိသေးတဲ့ ဒီကစားသမားဟာ ဒီနှစ်မှာ ဘာစီလိုနာအသင်းရဲ့ အသက်အငယ်ဆုံးကစားသမားဖြစ်လာခဲ့သလို စပိန်လက်ရွေးစင်အသင်းအတွက် အသက်အငယ်ဆုံး ပွဲထွက်နဲ့ ဂိုးသွင်းသူလည်း ဖြစ်ပါတယ်။

ချန်ပီယံလိဂ်ပွဲတွေကို ဘယ်တော့ကစားမလဲ။

ပွဲစဉ် (၁) - စက်တင်ဘာ ၁၉-၂၀ ရက်။

ပွဲစဉ် (၂) - အောက်တိုဘာလ ၃-၄ ရက်။

ပွဲစဉ် (၃) - အောက်တိုဘာလ ၂၄-၂၅ ရက်။

ပွဲစဉ် (၄) - နိုဝင်ဘာလ ၇-၈ ရက်။

ပွဲစဉ် (၅) နိုဝင်ဘာ ၂၈-၂၉ ရက်။

ပွဲစဉ် (၆) - ဒီဇင်ဘာ ၁၂-၁၃ ရက်။

နောက်ဆုံး ၁၆ သင်းရှုံးထွက်အဆင့် : ၂၀၂၄ ဖေဖော်ဝါရီ ၁၃-၁၄၊ ၂၀-၂၁ ရက်နဲ့ မတ်လ ၅-၆၊ ၁၂-၁၃ ရက်။

ကွာတားဖိုင်နယ် - ဧပြီလ ၉-၁၀၊ ၁၆-၁၇ ရက်။

ဆီမီးဖိုင်နယ်- ဧပြီလ ၃၀ ရက်၊ မေလ ၁၊ မေ ၇-၈ ရက်။

ဖိုင်နယ် - ဇွန်လ ၁ ရက်။

ချန်ပီယံလိဂ် ဗိုလ်လုပွဲကို ဘယ်နေရာမှာ ကစားမလဲ။

ဒီရာသီ ဗိုလ်လုပွဲကိုတော့ ဝင်ဘာလေကွင်းမှာ ကျင်းပမှာ ဖြစ်ပါတယ်။

ချန်ပီယံလိဂ် ရေပန်းစားဆုံးအသင်းတွေက ဘယ်အသင်းတွေလဲ။

Gracenote ရဲ့ ယူရိုကလပ်ညွှန်းကိန်းကို အခြေခံတဲ့ တွက်ချက်မှုအရ စီးတီးဟာ ရီးယဲလ်မက်ဒရစ်နဲ့ ဘိုင်ယန်မြူးနစ်တို့ထက် ချန်ပီယံလိဂ်ဖလားကို ဆွတ်ခူးဖို့ ရေပန်းအစားဆုံးဖြစ်ပါတယ်။

စီးတီးက အောင်ပွဲခံနိုင်ခြေ ၃၇ ရာခိုင်နှုန်း၊ ရီးယဲလ် ၁၃ ရာခိုင်နှုန်းနဲ့ ဘိုင်ယန်မြူးနစ်က ၁၁ ရာခိုင်နှုန်းနဲ့ တခြားအသင်းသစ်က ချန်ပီယံဖြစ်ဖို့ အခွင့်အရေး ၁၉ ရာခိုင်နှုန်း ရှိနေပါတယ်။

စီးတီး၊ ရီးယဲလ်၊ ဘိုင်ယန်မြူးနစ်နဲ့ ဘာစီလိုနာတို့ ဟာ ရှုံးထွက်အဆင့်ကို ရောက်ဖို့ အနည်းဆုံး ၉၀ ရာခိုင်နှုန်း အခွင့်အရေး ရှိပါတယ်။

ချန်ပီယံလိဂ်ပုံစံက ဘယ်တော့ ပြောင်းလဲမလဲ။

ဒါက လက်ရှိပုံစံရဲ့ နောက်ဆုံးရာသီဖြစ်ပါတယ်။ အုပ်စုအဆင့် ၃၂ သင်း၊ အုပ်စု ၈ ခုမှ အသင်း ၄ သင်းခွဲကာ ထိပ်ဆုံး ၂ သင်းက ရှုံးထွက် ၁၆ သင်းကို ရောက်ရှိတာပါ။ ၂၀၂၄-၂၅ အတွက် ကျယ်ပြန့်တဲ့ ပြောင်းလဲမှုတွေနဲ့ ရောက်ရှိလာမှာဖြစ်ပါတယ်။

ပုံစံအသစ်မှာ ၃၆ သင်းပါဝင်မှာဖြစ်ပြီး နောက်ထပ် ၄ နေရာမှ ၂ နေရာကို ပြီးခဲ့တဲ့ ရာသီမှာ အကောင်းဆုံးစွမ်းဆောင်နိုင်ခဲ့တဲ့ ကလပ်အသင်းတွေကို ပေးမယ့် နိုင်ငံတွေဖြစ်လာမှာဖြစ်ပါတယ်။