စစ်ကောင်စီရဲ့ထိုးစစ်ဆင်နေမှုတွေကြောင့် မြန်မာ့သမိုင်းမှာ စစ်ဘေးရှောင်အရေအတွက် အများ ဆုံးဖြစ်လာနေတယ်လို့ အမျိုးသားညီညွတ်ရေးအစိုးရ သမ္မတရုံးပြောရေးဆိုခွင့်ရှိသူက ပြောပါတယ်။
၂၀၂၁ ခုနှစ် ဖေဖော်ဝါရီလ ၁ ရက်နေ့ စစ်တပ်အာဏာသိမ်းချိန်ကနေ ၂၀၂၃ ခုနှစ် ဇူလိုင်လကုန်အထိ ကိန်းဂဏန်းတွေအရ ပြည်တွင်းနေရပ် စွန့်ခွာထွက်ပြေးနေသူ ၁ ဒသမ ၉ သန်းကျော် ရှိလာပြီလို့ ကုလသမဂ္ဂ လူသားချင်းစာနာမှုဆိုင်ရာ ပေါင်းစပ်ညှိနှိုင်းရေးမှူးရုံး (UNOCHA) က ထုတ်ပြန်ပါတယ်။
ဒီအထဲက လူဦးရေ ၁ ဒသမ ၆ သန်းနီးပါးဟာ စစ်တပ် အာဏာသိမ်းယူမှုအပြီး ဖြစ်ပေါ်လာတဲ့ ပဋိပက္ခနဲ့ မလုံခြုံမှုတွေကြောင့် နေရပ်စွန့်ခွာထွက်ပြေးကြရသူတွေဖြစ်တယ်လို့ ထုတ်ပြန်ချက်ကဆိုပါတယ်။
စစ်ကောင်စီရဲ့ထိုးစစ်ဆင်နေမှုတွေကြောင့်သာ နေရပ်စွန့်ခွာထွက်ပြေးနေကြရတာလို့ အမျိုးသားညီညွတ် ရေးအစိုးရ သမ္မတရုံး ပြောရေးဆိုခွင့်ရှိသူ ဦးကျော်ဇောကပြောပါတယ်။
တင်ဆက်၊တည်းဖြတ် - KMN