Iceland နိုင်ငံက Litli-Hrútur (လစ်တလီ ဟျူးတို) မီးတောင် ပေါက်ကွဲနေတဲ့အတွက် ဧည့်သည်တွေ အနားမကပ်ကြဖို့ အာဏာပိုင်တွေက သတိပေးထားပါတယ်။ ဒါပေမယ့်လည်း အန္တရာယ်များတဲ့ ချော်ရည်တွေနဲ့ ပေါက်ကွဲနေတဲ့ မီးတောင်ကို ရင်သပ်ရှုမောဖြစ်ပြီး အနားကပ်ကြည့်ဖို့ လာကြတဲ့သူတွေအများကြီးရှိနေတာပါ။ Reykjavik (ရေးကဗစ်)မြို့တော်နဲ့ ၁၈ မိုင်လောက်ဝေးတဲ့နေရာက မီးတောင်က ဇူလိုင်လလယ်မှာ ပေါက်ကွဲပြီး ဓာတ်ငွေ့တွေလည်း ထွက်နေတာပါ။ အေပီသတင်းဆောင်းပါးတပုဒ်ကို မအိသန့်စင် တင်ဆက်ထားပါတယ်။