ရုရှား ကျူးကျော်တိုက်ခိုက်မှုနဲ့ ရင်ဆိုင်နေရတဲ့ ယူကရိန်းနိုင်ငံ ကာကွယ်ရေး ဆက်သွယ်ဆောင်ရွက်မှုအဖွဲ့ ဆွေးနွေးပွဲကို ဇွန်လ ၁၅ ရက်နေ့က မြောက်အန္တလန်တိတ် နေတိုး မဟာမိတ်အဖွဲ့ ဌာနချုပ်မှာ နောက်တကြိမ် ကျင်းပခဲ့ကြပါတယ်။ နိုင်ငံပေါင်း ၅၀ ကျော်က ကာကွယ်ရေး ခေါင်းဆောင်တွေ တက်ရောက်ခဲ့ကြပြီး ယူကရိန်း ရဲ့ တန်ပြန်ထိုးစစ် စတင်အပြီး လတ်တလော လိုအပ်ချက်တွေ ကူညီ ပံ့ပိုးပေးနိုင်ရေး ဆွေးနွေးခဲ့ကြတာပါ။ နေတိုးအဖွဲ့ဌာနချုပ် ရှိရာ ဘယ်လ်ဂျီယံနိုင်ငံ ဘရက်ဆဲလ်မြို့ကနေ ဗွီအိုအေသတင်းထောက် Carla Babb ပေးပို့တဲ့သတင်းကို မခင်ဖြူထွေးက တင်ဆက်ထားပါတယ်။
