လာမယ့်အမေရိကန်သမ္မတ ရွေးကောက်ပွဲမှာ ရီပတ်ဘလစ်ကန် ကိုယ်စားလှယ်လောင်းတယောက် အနေနဲ့ ဝင်ပြိုင်မယ့်အကြောင်း ဖလော်ရီဒါပြည်နယ် အုပ်ချုပ်ရေးမှူး Ron DeSantis ရွန်ဒီဆန်းတစ်က တရားဝင် ကြေညာထားပါတယ်။ ဒါပေမဲ့ ဒီမိုရက်တစ်ပါတီဘက်က ဝင်ပြိုင်မယ့် လက်ရှိသမ္မတ Joe Biden နဲ့ ယှဉ်ပြိုင်နိုင်တဲ့ အဆင့်မရောက်ခင် ပထမအဆင့် ရီပတ်ဘလစ်ကန်ပါတီတွင်း ရွေးကောက်ပွဲမှာ သမ္မတဟောင်း Donald Trump နဲ့ အရင် ယှဉ်ပြိုင်ရဦးမှာပါ။ ဗွီအိုအေရဲ့ အိမ်ဖြူတော်ဆိုင်ရာ တာဝန်ခံသတင်းထောက် Steve Herman ပေးပို့တဲ့သတင်းကို မခင်ဖြူထွေးက တင်ပြထားပါတယ်။