ကချင်ပြည်နယ်အတွင်း ရွေးကောက်ပွဲဝင်ရောက်ယှဉ်ပြိုင်ဖို့ နိုင်ငံရေးပါတီတစ်ခုအဖြစ် တိုင်းလိုင် (ရှမ်းနီ)အမျိုးသားများဖွံ့ဖြိုးတိုးတက်ရေးပါတီ(TNDP)ကို စစ်ကောင်စီလက်အောက်ခံ ပြည်ထောင်စုရွေး ကောက်ပွဲကော်မရှင်က ပါတီတည်ထောင်ခွင့်ကို ခွင့်ပြုပေးလိုက်ပါတယ်။
မေလ ၂ ရက်နေ့က ရှမ်းနီတိုင်းရင်းသားပါတီနှစ်ခုဖြစ်တဲ့ တိုင်းလိုင်(ရှမ်းနီ)အမျိုးသားများ ဖွံ့ဖြိုးတိုးတက် ရေးပါတီ TNDP နဲ့ ရှမ်းနီ(တိုင်းလျန်)သွေးစည်းညီညွတ်ရေးပါတီ (SSP)တို့ကို နိုင်ငံရေးပါတီများအဖြစ် မှတ်ပုံတင်ခွင့်ကိုခွင့်ပြုပေးလိုက်တယ်လို့ ရွေးကောက်ပွဲကော်မရှင်က ထုတ်ပြန်ပါတယ်။
ကချင်ပြည်နယ်အတွင်း တိုင်းလိုင်(ရှမ်းနီ)အမျိုးသားများဖွံ့ဖြိုးတိုးတက်ရေးပါတီ (TNDP)နဲ့ စစ်ကိုင်းတိုင်း ဘက်မှာ ရှမ်းနီ(တိုင်းလျန်)သွေးစည်းညီညွတ်ရေးပါတီ SSP တို့ ဝင်ရောက်အရွေးခံဖို့ နိုင်ငံရေးပါတီအဖြစ် မှတ်ပုံတင်ထားတာဖြစ်တယ်လို့ မဇ္ဈိမအနေနဲ့ ကနဦးစုံစမ်းသိရှိရပါတယ်။