စစ်ကိုင်းတိုင်း ၊ မင်းကင်းမြို့နယ်၊ မအူရွာကျေးတွင် တပ်စွဲနေသည့် စစ်ကောင်စီတပ်ဖွဲ့နှင့် ကာကွယ်ရေးတပ်ဖွဲ့တို့ကြား ဧပြီလ ၂ ရက်နေ့ နံနက် ၁၀ နာရီအချိန်တွင် တိုက်ပွဲဖြစ်ပွားခဲ့ကြောင်း MKPDF-2 ထံမှ သိရသည်။
အဆိုပါတိုက်ခိုက်မှုတွင် စစ်ကောင်စီတပ်သား တစ်ဦးသေဆုံးခဲ့ကြောင်း MKPDF-2 သတင်းနှင့်ပြန်ကြား ရေးတာဝန်ရှိသူက ဆိုသည်။
“လက်နက်ငယ်တွေနဲ့အတူ ၆၀ မမ ခုနစ်လုံး၊ ၄၀ မမ သုံးလုံးနဲ့တိုက်ခိုက်ခဲ့တာဖြစ်ပါတယ်။ ကျနော်တို့ ဘက်က စနိုက်ပါလက်ချက်နဲ့ စစ်ကောင်စီတပ်သားတစ်ဦး သေဆုံးခဲ့ပါတယ်” ဟု ၎င်းကဆိုသည်။
မအူရွာသည် ပျူစောထီးဆိုသူအများစုနေထိုင်သည့် ကျေးရွာဖြစ်ကြောင်း သိရသည်။
ဧပြီလ ၁ ရက်နေ့ကလည်း ၆၀ မမ လေးလုံးနှင့်အတူ ဒရုန်းဖြင့် အီနာဂါလေးလုံးချကာ တိုက်ခိုက်ခဲ့ရာ စစ်ကောင်စီတပ်ဖွဲ့ဘက်မှ ထိခိုက်သေဆုံးမှုကို မသိရသေးကြောင်း ၎င်းကဆိုသည်။
အဆိုပါ တိုက်ခိုက်မှုကို ကလေးခရိုင် အမှတ်(၁၁) တပ်ရင်း၊ မင်းကင်းနှင့်မဟာမိတ်တပ်ဖွဲ့ KG တို့က ပူးပေါင်း တိုက်ခိုက်ခဲ့ကြောင်း သိရသည်။
စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ
