ရန်ကုန်တိုင်း၊ တာမွေမြို့နယ်တွင် တော်လှန်လူငယ်များက ယနေ့ မတ်လ ၃၀ ရက်နေ့ ညနေ ပိုင်းက စစ်အာဏာရှင်ဆန့်ကျင်ရေး ဆန္ဒထုတ်ဖော်ခဲ့ကြောင်း သိရသည်။
တာမွေမြို့နယ်၊ ကျားကွက်သစ်လမ်းပေါ်တွင် S.G.M Team မှ လူငယ်များက “ တော်လှန်ပုန်ကန် ရန်ကုန် သင်္ကြန်” စာတန်းကိုင်ဆွဲပြီး စစ်အာဏာရှင်ကြွေးကြော်သံများဟစ်ကြွေးကာ ဆန္ဒထုတ်ဖော်ခဲ့ကြခြင်းဖြစ် သည်။
ရန်ကုန်မြို့တွင်နေထိုင်သည့်ပြည်သူများ ဖက်ဆစ်စစ်တပ်ပြုလုပ်သောသင်္ကြန်ကို တော်လှန်ပုန်ကန်ရန် ရည်ရွယ်ကာ ဆန္ဒပြပွဲကိုပြုလုပ်ခြင်းဖြစ်ကြောင်း S.G.M Team က ပြောသည်။
မကြာခင်ကျရောက်တော့မည့် မြန်မာနှစ်သစ်ကူးသင်္ကြန်ပွဲတော်ကို အာဏာသိမ်းစစ်ကောင်စီက ကြီး ကျယ်ခမ်းနားစွာ ကျင်းပရန် စီစဉ်နေသော်လည်း စစ်အာဏာသိမ်းမှု ဆန့်ကျင်သည့် အဖွဲ့အစည်းများနှင့် ပြည်သူ့ကာကွယ်ရေးတပ်ဖွဲ့များက တော်လှန်သင်္ကြန်အဖြစ်သာ ဆင်နွှဲကြရန် တိုက်တွန်းထားသည်။
စာတည်း။ ။ နောင်နောင်
စာမူတည်းဖြတ်။ ။စောဖေ
