သက်ငယ်မုဒိမ်းမှုတွေရဲ့ ရာခိုင်းနှုန်းအများစုက မုဒိမ်းကျင့်ခံရသူနဲ့ ရင်းနှီးသိရှိသူတွေ၊ ဆွေမျိုးရင်းချာတွေက ကျူးလွန်တာများပါတယ်။ ယဉ်ကျေးမှု ထုံးတမ်းစဉ်လာတွေကြောင့် တချို့အကြမ်းဖက်ခံရတဲ့ ကိစ္စတွေမှာ ဆိတ်ဆိတ်နေလိုက်ရတာတွေ ရှိပါတယ်။ ဘယ်လိုပဲ ဆွေမျိုးနီးစပ်တော်နေပေမယ့် မတရားခံရတာကို ငြိမ်ခံမနေဘဲတိုင်တန်းမှသာ ဒီလိုအဖြစ်မျိုးတွေ ထပ်မပေါ်လာတော့မှာဖြစ်လို့ သတ္တိရှိရှိနဲ့ အမှုတိုင်တန်းခဲ့တဲ့သူတွေကို အသိအမှတ်ပြုရမှာပဲ ဖြစ်ပါတယ်။
