ကရင်နီပြည်နယ်၊ ဒီးမော့ဆိုမြို့နယ် အရှေ့ဖက်ခြမ်းရှိ ဒေါညေးခူကျေးရွာ၊ ဒေါတမကြီးကျေးရွာအတွင်းသို့ စစ်ကြောင်းသုံးကြောင်းဖြင့် ထိုးစစ်လာသည့် စစ်ကောင်စီတပ်ဖွဲ့ကို ခုခံတိုက်ခိုက်ရင်း KNDF B-10 မှ ရဲဘော်နှစ်ဦး ကျဆုံးသွားခဲ့ရသည်ဟု သိရသည်။
အဆိုပါကျဆုံးသွားသည့် KNDF B-10 မှ ရဲဘော်နှစ်ဦးမှာ ရဲဘော်နိုဘယ်နှင့် ရဲဘော်ခူးဦးရယ်တို့ဖြစ်ပြီး ရဲဘော်ခူးဦးရယ်သည် မတ်လ ၂၁ ရက်နေ့ တိုက်ပွဲတွင် ကျဆုံးခဲ့ကာ ရဲဘော်နိုဘယ်သည် မတ်လ ၂၂ ရက်နေ့တွင် ကျဆုံးသွားခြင်းဖြစ်သည်ဟု KNDF B-10 က ယမန်နေ့ မတ်လ၂၄ ရက်တွင် ထုတ်ပြန်ထားသည်။
တိုင်းပြည်နှင့် လူမျိုးအတွက် အကြမ်းဖက်စစ်ကောင်စီအား ရဲရင့်စွာတိုက်ခိုက်ရင်း မြင့်မြတ်စွာ ကျဆုံးခဲ့ရသော ရဲဘော်ခူးဦးရယ် နှင့် ရဲဘော်နိုဘယ် တို့၏ စျာပနကို ကရင်နီပြည် တစ်နေရာတွင် မြေမြှုပ်သင်္ဂြိုဟ်ခဲ့ပြီး KNDF တပ်ရင်းအမှတ် (၁၀)မှ အာဇာနည်သူရဲကောင်းအဖြစ် အစဥ်အမြဲ ဂုဏ်ယူမှတ်တမ်းတင်ထားမည်ဖြစ်ကြောင်း ထုတ်ပြန်ထားသည်။
စာတည်း။ ။ဖူးသိမ်ကျ
စာမူတည်းဖြတ်။ ။သန့်ဇော်(သန်လျင်)
