၂၀၂၃ ခုနှစ် မတ်လ ၂၂ ရက်နေ့က ထိုင်းနိုင်ငံမဲဆောက်မြို့ မယ်ပရပ်ကွက်မှာရှိတဲ့ မြန်မာတွေနေထိုင်နေတဲ့ အဆောက်အဦတစ်ခုကို ထိုင်းရဲတပ်ဖွဲ့၊ လူဝင်မှုကြီးကြပ်ရေး၊ နယ်ခြားစောင့်တပ်၊ စစ်တပ်နှင့်ဝန်ကြီးချုပ်ရုံးမှ တာဝန်ရှိသူတွေပါဝင်တဲ့အဖွဲ့က ဝင်ရောက်စစ်ဆေးခဲ့ပါတယ်။
ဒီလိုစစ်ဆေးတဲ့နေရာမှာ မြန်မာလူငယ် နှစ်ဦးကိုဖမ်းဆီးသွားခဲ့တာရှိခဲ့ပေမယ့် ကျန်သူတွေကိုမဖမ်းခဲ့ဘဲ ဒေသဆိုင်ရာစည်းမျဉ်းစည်းကမ်းတွေကိုလိုက်နာဖို့နဲ့ ထိုင်းဒေသခံတွေကို အနှောက်အယှက်မပေးဖို့ သတိပေးခဲ့တယ်လို့သိရပါတယ်။
