လျှပ်စစ်သုံးယာဥ်နှင့် ဆက်စပ်လုပ်ငန်းများအား စစ်ကောင်စီလက်အောက်ခံ အစိုးရအဖွဲ့၏ အတည်ပြုချက်ဖြင့် ဦးစားပေးရင်းနှီးမြှုပ်နှံမှုကဏ္ဍအဖြစ်သတ်မှတ်ထားကြောင်း မြန်မာနိုင်ငံရင်းနှီးမြှုပ်နှံ မှုကော်မရှင် (MIC)က ဆိုသည်။

မြန်မာနိုင်ငံရင်းနှီးမြှုပ်နှံမှုကော်မရှင်(MIC)က မြန်မာနိုင်ငံရင်းနှီးမြှုပ်နှံမှုဥပဒေ ပုဒ်မ ၄၃ နှင့် ပုဒ်မ ၁၀၀ ပုဒ်မခွဲ (ခ) အရ အပ်နှင်းထားသည့် လုပ်ပိုင်ခွင့်ကို ကျင့်သုံးပြီး သတ်မှတ်ခြင်းဖြစ်ကြောင်း ဖေဖော်ဝါရီလ ၂၀ ရက်နေ့က ထုတ်ပြန်ထားသည်။

အဆိုပါကဏ္ဍတွင် လျှပ်စစ်သုံးယာဉ်အမျိုးမျိုး တပ်ဆင်/ ထုတ်လုပ်/ ပြုပြင်ထိန်းသိမ်းခြင်း ဝန်ဆောင်မှု လုပ်ငန်းများ၊ အားဖြည့်သွင်းခြင်းဆိုင်ရာ ဝန်ဆောင်မှုလုပ်ငန်းများ၊ ဘက္ထရီထုတ်ခြင်းနှင့် ဆက်စပ်ဝန် ဆောင်မှုလုပ်ငန်းများ၊ လျှပ်စစ်သုံး ဘတ်စ်ကားပြေးဆွဲခြင်း၊ လျှပ်စစ်သုံးအငှားယာဉ် (Taxi)နှင့် ကုန်စည် ပို့ဆောင်ရေး ဝန်ဆောင်မှုလုပ်ငန်းများ ပါဝင်ကြောင်း သိရသည်။

ထို့ပြင် လျှပ်စစ်သုံးယာဉ် ကိုယ်ထည်အစိတ်အပိုင်း၊ ဆက်စပ်ပစ္စည်းနှင့် စက်ကိရိယာများ၊ ပြုပြင်ထိန်း သိမ်းခြင်းနှင့် ဝန်ဆောင်မှုလုပ်ငန်းများ၊ နှစ်ဘီးတပ်ယာဉ်အမျိုးမျိုးနှင့် ဆက်စပ်ပစ္စည်း / စက်ကိရိယာများ၊ လျှပ်စစ်နှင့် ဒီဇယ်-လျှပ်စစ် မီးရထားစက်ခေါင်း၊ အားသွင်းခြင်းဆိုင်ရာစသည့် ဆက်စပ်ပစ္စည်းစက် ကိရိယာ အစိတ်အပိုင်းများ ထုတ်လုပ်ခြင်းလည်း ပါဝင်ကြောင်း သိရသည်။ 

လျှပ်စစ်သုံးယာဉ် (Battery Electric Vehicle –BEV) တင်သွင်းရောင်းချမည့် ကုမ္ပဏီများအနေဖြင့်  ကျပ်သိန်း ၅၀၀ ပေးသွင်းနိုင်ကြောင်း ဘဏ်အာမခံချက် တင်ပြရမည်ဟု စစ်ကောင်စီလက်အောက်ခံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက ထုတ်ပြန်ထားသည်။

စာတည်း။    ။ဖူးသိမ်ကျ
စာမူတည်းဖြတ်။  ။စောဖေ